Living on a Dime

Og fyrir þau okkar sem vilja spara aurinn án þess að henda krónunni bendi ég á ´Living on a Dime´síðuna.  Fréttabréfin fjalla um allt frá ódýrum uppskriftum til aðferða til að skera niður húshaldskostnað hvar sem er innan heimilisins.
Þau hafa núna t.d. free giveaway á bókum sem þau hafa gert, fyrstur kemur fyrstur fær - tilboðið gildir í dag og á morgun.
Living on a Dime
How to save money and get out of dept

Mæli með þessu, fréttabréfið ókeypis og yfirleitt fullt af ágætum hugmyndum.  Sumar hverjar eru reyndar óframkvæmanlegar hérna vegna annars menningarsvæðis en fróðlegt að vita hvernig þau leysa málin.

Málfrelsi í nýrri stjórnarskrá?

Það þykir mér merkilegt hvernig mál- og tjáningarfrelsið virðist túlkað.  Þegar Snorri sem er vissulega kristinn einstaklingur (og íbúi í kristnu samfélagi) birtir Biblíutexta í sínum frítíma við að verja málstað sinn og lífsgildi - hvernig í ósköpunum dettur fólki í hug að kalla það hatursáróður???  Þetta getur því ekki snúist um Snorra heldur um Biblíuna sjálfa.  Jafnvel þótt við sleppum Guði í umræðunni, hvernig komast stjórnvöld að þeirri niðurstöðu að Biblían, sem er grundvallarrit allra mannréttinda (Guð skapaði alla menn í sinni mynd), sé hatursáróður??? 

Þessum ofsóknum verður að linna.  Við verðum að geta tjáð okkur um hlutina, talað sama og komist að niðurstöðu.  Þetta er grunnur þess samfélags sem við lifum í og grundvöllur nýrrar stjórnarskrár, að við hefjum einmitt HVORKI galdrabrennur NÉ kristinnabrennur heldur ræðum um hlutina.  Við rekum ekki fólk fyrir að tala heldur fögnum því.  

Trúnaður ríkir um mál kennara

skjaldborg um laun stjórnmálamanna

Æi, þarf að segja eitthvað meira um þetta?

Laun forsætisráðherra hækkuðu um 217 þúsund

Business as usual (NTC og WC)?

Þetta var nú einmitt það sem útrásarvíkingarnir gerðu og almenningur hélt ekki vatni yfir: hvernig hægt var raka að sér peningum enda þótt gengið væri yfir lík á siðlausan máta.  Og það sem mér finnst eimitt FKA gera er það sama, að snúa blinda auganu að lákúrunni og uppsögnunum, en mæra Mammon.  Og þar erum við komin aftur til 2007.  
Að virkja kraft kvenna inna sinna raða?  Títtnefndur Egill „rassandlit“ var sjálfsagt gæfuspor margra þessara kvenna, enda þótt þær hafi losað sig við hann umsvifalaust þegar brestirnir í leikmynd Gilzeneggers þóttu ekki lengur kjútt og „mainstream“.  
En það sem mér finnst þó bíta hausinn af skömminni er talfæri þeirra Hafdísar (WC) og Svövu (NTC) og co þegar þær veita ja.is verðlaun án þess að blanda sér neitt í mál sem lúta að rekstrinum.  Bara svo lengi sem konur eru við stjórnvölinn og „meika-ða“ þá skiptir engu máli hvaða leiðir eru farnar til þess né hvaða ímynd þær gefa af sér við það.  Jafnvel þótt þær geri kynsystur sínar atvinnulausar í nafni hagræðingar og gróðaaukningar.

Mætti kannski nefna það í framhjáhlaupi að þær auglýstu á dögunum nýtt námskeið um sölutækni og markaðssetningu.  Það hét „gætirðu selt ömmu þína“.  Kannski þetta komist einhverntíman í sögubækur sem dæmi um afleiðingar ósvífins kapítalisma og þverrandi viðskiptasiðgæðis.

Tilkynnti úrsögn úr félaginu

Kynningarátaksskýrslan?

Vel gert hjá Hveragerðisbæ enda mjög mikilvægt að einhver taki einarða afstöðu til þessa mikla hita- og álitamáls.  Veit einhver hvar hægt er að nálgast þessa skýrslu?  Gúglaði (eh.. https://startingpage.com - aði) upp erfðabreytt.net en fann í fljótu bragði ekkertum hana.

 

Málið átti að kynna skilyrðislaust

Yndisleg samvinna

Dásamlegt dæmi um það hvernig stjórnvöld geta átt í vinsamlegum og uppbyggilegum samskiptum við fjölmiðlana.  Eða með öðrum orðum hvernig fjölmiðlarnir starfa sem handbendi bankanna, hinna raunverulegu stjórnvalda á Íslandi.  Athyglisvert að lesa greinina með því augnamiði hvernig pressan ól á „raunverulegri" þjófhræðslu sem nýtist hverjum?  Auðmönnunum sem stýra bönkunum.

Legg til að menn skoði reglulega yfirhalninguna sem Lára Hanna sýnir af Bjartmari og Einari Má taka Ingva Hrafn á beinið.  Ingvi fær alla þá skömm í hattinn sem hver einasti fjölmiðill átti skilið fyrir einhliða og gagnrýnislausa fréttamennsku.  Þetta þarf að skoða sérstaklega vel núna þegar skilanefndirnar krefjast samúðar í ljósi þeirra vandræða sem bankarnir „lentu í."

Búið að tæma sum útibú af seðlum

Eineltissamtökin Vantrú?

Hérna eru bara tekið fyrir eitt „viðfang“ þessara samtaka enda þótt vikið sé að fleirum.  Hvað fleira hafa Vantrúarmeðlimir plottað í skúmaskotum?  Eru þeir virkilega svona blindir af hatri að þeir eru ófærir um sjálfsgagnrýna skoðun?  Heitir þetta geðveiki að tala svona um Sigurbjörn biskup og t.d. um þá sem boða börnum kristna trú sem barnaníðinga? 

Heilagt stríð Vantrúar

Friðhelgi einkalífsins

Það er í raun alveg makalaust hve öll umræða á Íslandi er komin stutt á veg þegar um er að ræða þemu á borð við friðhelgi.  Hvergi í heiminum er Facebooknotkun eins almenn svo dæmi séu nefnd.  Hvergi þótti eins sjálfsagt að allir Íslendingar tækju höndum saman við að byggja gagnagrunn Íslenskrar Erfðagreiningar.  Hvergi þykir fólki eins sjálfsagt að alllir viti allt um alla.  Hvergi annarstaðar í heiminu (að mér vitandi) leggur fólk fram kennitöluna sína (social-security number) til að leigja sér mynddisk.

Hef stundum velt fyrir mér hvort þetta sé af sveitabragnum á öllu en hvar ég hef búið erlendis eru privacy issues mjög mikilvægar, fólk hugsar sig oft um áður en það setur nafnið sitt við einhverjar upplýsingar - einmitt af því að það er svo auðvelt að misnota þær.  Í Þýskalandi var Stasi og einhverju fyrr Gestapo, KGB, VSB, CIA, Mossad og hvað-þeir-nú-hétu-allir.  Og við ...?  Sérsveitina hans Björns Bjarna?

Kannski Birgitta hafi einmitt fengið nasasjón af því hvernig vilji stjórnvalda getur hneigst til rannsókna á einstaklingum og hvernig andvaraleysi þegnanna er þeim beinlínis hjálplegt.  Fyrst við fáum að fylgjast með þessari sakleysissviftingu ættum við að reyna að læra eitthvað í leiðinni.

Hvet alla til að skoða leitarvélar á borð við https://startingpage.com/

Öruggast að senda sendibréf

Er dr. Saxi á Landsanum

Hvað í ósköpunum flokkast allt undir stungusár?  Gott og vel, sjúkraliðaneminn rekur kannski stundum nálina óvart á rangan stað en þetta leiðir hugann að Gerfahverfinu og Saxa lækni: Æ,æ, ég hef skorið (stungið?) of djúpt, hvað ætli yfirlæknir segi, ég hef stórskemmt skurðarborðið...

Starfsfólk beitt ofbeldi

Bleksull?

Þarna væru nú margir samferðamennirnir í vondum málum.  Oft ansi vanhugsaðar ákvarðanir sem liggja þarna að baki, gæti ég trúað.  Hér í eina tíð var eina fólkið sem hafði tattú drykkjusvolar sem höfðu hangið í Hull og Bremerhafen og líklega eimir eftir af þessari hugsun enn, tattúið þá svona icon um hversu frjálslyndur maður sé og „sigldur“.  Sennilega eina leiðin að losna við blekið er að fara í eyðingu til Laser-lækningar, erfiðara með gervifrjálslyndið.

Neitað um starf vegna húðflúrs