Færsluflokkur: Menntun og skóli

Kurteis varnarviðbrögð

Ég held að enginn hafi farið varhluta af þeim góðu og áhugaverðu hlutum sem #metoo hefur haft í för með sér. Allskyns hlutir hristir upp á yfirborðið og allt mundar þetta í átt að betri heimi fyrir bæði kynin. Nýjast af Nobelsnefndinni (var annars að endurlesa Nóbelskvæði eftir Þórarinn Eldjárn - mikið skáld er maðurinn). En einhverstaðar þykir mér þessar galdrabrennur orðnar þreytandi. Nú skal leitað áratugi aftur að flekklausum kandídötum. En allt þetta kom upp fyrir kosningu Ragnars Þórs. En ´jafnréttis´fulltrúinn (forkonan) er ósáttur. Kannski við kyn Ragnars? Læðist að grunurinn hvort eitthvað annað ´agenda´ sé í gangi.

Ég kaus hann á grundvelli yfirburða sinna umfram aðra frambjóðendur, til að sinna starfi sínu sem fulltrúi kennara. Ég kaus líka Önnu Maríu á sömu forsendum. Ég hef kynnst báðum lítillega og treysti bæði þeim kynnum og því orðspori sem af þeim fer, fyrir atkvæði mínu. Ég er ekki kunnugur æsku þeirra og uppvexti, þekki ekki mataræði né útivistarpælingar þeirra, veit ekki um hobbý né uppáhalds rithöfund (fyrrnefndur Þórarinn er ofarlega hjá mér). Veit ekki einusinni hvort þau eru á sakaskrá. En ég treysti þeim báðum til að leiða kennarastéttina á betri stað, með eða án mín.


mbl.is Áskorun til Ragnars á þingi kennara
Tilkynna um óviðeigandi tengingu við frétt

Angar klámvæðingarinnar

Já Kolbrún, en þetta er ekki vel einhlítt. Sonur minn er á 1. ári í framhaldsskóla og læknanemahópur frá Ástráði kom í heimsókn og sýndi efni sem honum þótti klámfengið. Þar hefði fyrirlesarinn lofað klámáhorf og sagst horfa drjúgt á það sjálfur. Tjáði sig um mikilvægi þess í þroskaferli ungmenna. Stemningin yfir "kynfræðslunni" var öll á þann dúrinn að syni mínum ofbauð svo að hann stóð upp og kvaddi. Kvartaði síðan til skólastjóra. Í bréfaskriftum sem fylgdu milli mín og skólastjórans ræddi hann um særða blygðunarkennd og afar misjöfn viðmið fólks.  Breytti þar engu um að kennarar hefðu yfirgefið stofuna svo enginn starfsmaður skólans vissi hvað hefði gengið á.
Auðvitað er þetta samfélagslegur sjúkdómur sem hittir okkur öll fyrir, án tillits til þess hvort maður er klám "neytandi" eða "neitandi". menn sem konur og ekki annað í boði að berjast gegn þessu. Hér snýst þetta ekki um neitt annað en virðingu sem við VERÐUM að hafa hvert fyrir öðru.


mbl.is Drengir yngri en 11 ára horfa á klám
Tilkynna um óviðeigandi tengingu við frétt

Meint grímuleysi kennara og Framsóknarflokkurinn

Þrátt fyrir hjarðhegðun hópa og þá eru kennarar sjálfsagt ekki undanskildir, er það heldur undarlegt að Ólafur skuli láta sér detta í hug að kennarar séu þess ekki megnugir að fatta sjálfir hvílíkum brauðmolum var hent til þeirra í samningnum.  Ræddi á dögunum við Samfylkingarmann og Sjálfstæðismann sem báðir eru kennarar (eða voru það kennarar sem kjósa flokkana?) og báðir úttöluðu sig gegn samningnum.  Grímulaust.

Ætli þetta tengist ekki frekar því sama og gerist hjá VR og Eflingu, að tími er kominn á gömlu brýnin?


mbl.is „Blaut þriggja prósentu tuska“
Tilkynna um óviðeigandi tengingu við frétt

Tungumálið burðargrind hugsunar

Tungumálið heldur utan um hugsunina og veitir henni brautargengi. Það sem hægt er að tjá með orðum er orðið áþreifanlegt og hægt að deila milli fólk sem skilur sama tungumál. Það gerir tungumálið einstætt og ofar öllum öðrum tjámiðlum. Tungumálið er því forsenda og útgangspunktur fyrir allt annað. Engin angi tjáskipta getur gert þessa kröfu, hvorki myndlist, tónlist, leiklist né nokkur annar frjóangi menningar. Þegar skilningur á tungumálinu dvínar, minnkar líka geta til tjá- og samskipta.

Því held ég að Sigríður þessi sé trítlandi á glapstigum og leitt að fræðimennirnir sjái ekki hnignun Íslenskunnar sem vandamál hugsunar. Nú fækkar þeim bókum hratt sem hægt er að bjóða nemendum í 10. bekk til lesturs. Fornbókmenntirnar eru að hverfa, t.d. Gísla saga Súrsonar, sem og bækur Halldórs Laxness. Gamall íslenskukennari sagði við mig í vetur stynjandi: Kennarnir skilja bækurnar varla sjálfir. #endurmenntunkennara?

Nú er ég mjög hrifinn af þeim blæbrigðum sem íslensk tunga býður uppá, tel þann dag góðan sem ég læri nýtt orð eða orðatiltæki.  Þarf þó sífellt að fletta upp hvernig þetta og hitt orðið er skrifað rétt. Á ennþá orðabók Menningarsjóðs sem ég fékk í fermingargjöf uppi í hillu, og nota hana óspart. Les daglega lengur eða skemur á einhverju þeirra tungumála sem hef vald á en kem alltaf til baka til þess grunns sem ég hef aflað mér á Íslensku.

Leitt þegar prófessorar í Íslensku hafa gefist upp á að sinna starfanum sínum. Spurning hvort þeir hugsi sér ekki í átt að Hólavallagarðinum og rými stöður sínar fyrir öðrum og yngri eldhugum.


mbl.is Yngra fólkið kýs ensku umfram íslensku
Tilkynna um óviðeigandi tengingu við frétt

Hverjum um að kenna

Nú getum við glaðst því sökudólgurinn er fundinn. Ástæða þess að nemdum hrakar í PISA könnunum.  Ástæða þess að börn haga sér dólgslega svo lögreglan þurfi afskipti.  Líklega líka ástæðu kulnunar og stéttarflótta kennara.  Hverju veldur að Íslenskir skólar fái algera falleinkunn og eru undir meðaltali jafnaldra sinna á Norðurlöndum og í OECD ríkjunum.

Í tölfræði OECD virðist vera hægt að lesa að ástæðan sé ekki léleg fjármögnun skólakerfisins.

Heldur... það er náttúrulega þessi leysandi og frelsandi niðurstaða rannsóknarhópsins hennar Svandísar heilbrigðisráðherra sem leiddi sannleikan í ljós.  Það var bara klukkan eftir allt.

Nú fellur þetta allt í ljúfa löð.  Og við toppum Finnland í PISA í næstu könnun.

http://www.ruv.is/frett/leggja-til-ad-klukkunni-verdi-breytthttp://www.ruv.is/frett/leggja-til-ad-klukkunni-verdi-breytt


mbl.is Menntamál fá falleinkunn
Tilkynna um óviðeigandi tengingu við frétt

Barnanauðgarinn Kinsey

Sem stendur er verið að vinna námsefni í nafni kynfræðslu, réttinda barna eða kynhneygðar í skólum. Þetta námsefni snýr að forvörnum og snemmkynfræðslu barnsins og gerir það að skyldunámsefni í skólum! En í raun réttri grafa hér stjórnvöld undan kynuppeldinu.
Þetta hófst ekki í gær heldur á sér langan og alþjóðlegan aðdraganda.
Upphafið að öllu þessu var útfært og innleitt í smáatriðum árið 1938 í Bandaríkjunum af kynjafræðingnum Alfred C. Kinsey.
Alfred Kinsey er gjarnan nefndur "mikilvægasti“ kynjafræðingur 20. aldarinnar. En það er alrangt!
Vissulega var hann „áhrifamesti“ þátturinn í skoðunamótun sam- félagsins hvað kynhegðun varðar – en það er allt annað. Raunar eiga nánast allar núverandi kynfræðslustefnur í heiminum rætur sínar að rekja til verka Kinseys!
Þessar stefnur miðla því sjónarhorni kynferðis að „allir hlutir séu mögulegir“. Hin svonefnda nútímahugsun um kynlíf og kynhegðun er mótuð af Kinsey. En í framkvæmd hefur það sýnt sig að hér er um að ræða stórhættulegan hugsunarhátt sem hefur leitt til ótölulegra glæpsamlegra athafna.
Með bókum sínum setti Dr. Sex, (en svo var hann nefndur) mark sitt á kynferðislegan hugsunarhátt nánast alls heimsins! Sumsé maður sem með orðum sínum hefur vald yfir fjölda þjóða. Maður sem með fræðum sínum er nú fyrst virkilega farinn að bera ávöxt.
En hver nákvæmlega var þessi Kinsey?
Úr því sem komið er gæti engin spurning verið mikilvægari en þessi.
Á starfsferli sínum safnaði Kinsey 18.500 kynlífsdæmum með sérstöku dálæti á börnum undir lögaldri með það að leiðarljósi að opinbera þau. Æðsta markmið Kinseys var hinn kynferðislegi margbreytileiki. Sjálfan sig nefndi hann „afturhaldsaman vísindarmann“ en árið 1997 dró þýska tímaritið Der Spiegel (sjá HÉR) hið ótrúlega tvöfalda líferni Kinseys fram í dagsljósið.


Koma grunnrannsóknir um kynhegðun fólks til álita í huga fólks sem veit fyrirfram að frumkvöðull þeirra var glæpsamlegur barnaníðingur og tölfræðifalsari?


Vissir þú að grundvöllur þeirrar snemmkynfræðslu sem nú er í tísku, hvílir sannanlega á „vísindlegum grunni“ af þessu tagi?
Það sem Alfred C. Kinsey taldi vera „venjulegt kynlíf barna“ var ekkert annað en kynferðislegar pyndingar á börnum. Kinsey hafði ástríðufullan áhuga á „fullnægingargetunni” og sér í lagi hjá börnum, þ.e.a.s. hjá drengjum ókomnum á kynþroskaaldur og sem fá ekki sáðlát!
Á grundvelli rannsókna Judith Reisman (sjá HÉR) var gerð heimildarmyndin „The Children of Table 34“ (Börnin á lista 34 - sjá HÉR). Myndin, sem opinberaði hryllilega hluti, var gerð frekari þolendunum til verndar.

Í nánu samstarfi við hr. Green kom til þessa djöfullega lista 34. Hópur frá BBC kom upp um að hr. Green væri Rex King, fjöldanauðgari sem misnotaði meir en 800 drengi og stúlkur kynferðislega. Á þessum lista flokkaði Kinsey upplýsingar um fullnægingargetu hvorki meira né minna en 317 karlkyns ungbarna og drengja.


mbl.is Tilraun með kynfræðslu frá 1. upp í 10. bekk
Tilkynna um óviðeigandi tengingu við frétt

Myrkar núaldir

Nú fer orðið lítið á síðustu dögum fyrir réttarríkinu í lýðræðinu. Hér í eina tíð var fólk saklaust uns sekt þeirra var sönnuð, þótti mikil betrumbót frá fyrri öldum. Þá voru aðrar aðferðir uppi við að leita að sakleysi sakafólks. Þar var hagur kvenna býsna harður, sérílagi þeirra sem ákærðar voru fyrir galdra. Þá var þeim hent í Öxará, ef þær flutu hlutu þær að vera í sambandi við djöfulinn og því brenndar. Ef þær sukku (og drukknuðu) voru þær líklega saklausar og fengu þá leg í vígðri jörð. Jafn dauðar í báðum tilvikum.

Þessar galdrabrennur nútímans bera ögn svip af þessari fornöld okkar. Ég hef fylgst meö þessu máli þeirra nafna minna. Ragnar Þór Pétursson virðist hafa barist ötullega fyrir því að hans mál sé rannsakað, sem það hefur oft verið gert. Ég ætla mér ekki þá dul að vita hvað gerðist fyrir 20 árum. Það er annarra að skera úr um það. Enda trúi ég bæði á lýðræðið og réttarríkið. Enn. Finnst mér þeim mun ómerkilegra að heyra pólitíska andstæðinga hans ætla að nota sér þann höggstað sem fjölmiðlar eru núna að smjatta á.

Og talandi um fjölmiðla þá er raunar mjög áhugavert að heyra reynslusögu Péturssonar af framgangi fjölmiðla og sérstaklega Vísi. Þar eru gammarnir búnir að spotta safaríka sögu þar sem hægt er að gera sér mat úr. Og taka fólk og brenna það. Hafnir upp yfir nauðsyn réttmætrar heimildavinnu, gefa þeir fólki stökkpall fyrir órökstuddar ásakanir á hendur náunga sínum.  Ef þær reynast sannar þá er viðkomandi ærulaus, ef þær reynast ósannar birta engin blöð leiðréttingu og viðkomandi fær ekki rönd við reist.  Jafn ærulaus í báðum tilvikum.

Ég er þó feginn því að meðal frambjóðenda til varaformanns Kennarasambandsins séu einhverjir sem styðja eðlilegan framgang dómskerfisins. Það vekur vonir.


mbl.is Formaður KÍ geti ekki notið vafans
Tilkynna um óviðeigandi tengingu við frétt

símarnir snjöllu - minni snilld nemenda

Merkilegt á þessum tímum upplýsinga þar sem 99,9% allra grunnskólanemenda hefur óheftan aðgang að öllum þessum upplýsingum og fræðslu á snjallsímunum sínum.  Þegar maður gengur inn í grunnskólana liggja nemendur í hverju horni drekkandi í sig fróðleikinn, innbyrðandi menntuna með upplyftu andliti í ögn bláleitum glampa skjábirtunnar.  Og samt þessi leiða niðurstaða?


mbl.is Nemendur aldrei komið verr út
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband