Aðskilnaður menntunar og mannréttinda?

Líklega eru Vantrúarmenn í essinu sínu einmitt þessa dagana enda eru þeir minnihlutahópurinn sem tókst að ýta mannréttindaráði út í þessa vitleysu.  Auðvitað höldum við sem kristin þjóð bæði jól og páska og það eru sjálfsögð mannréttindi barnanna að fá að skilja hvaðan og hvernig þessar hátíðir tengjast okkur.  Það er hvort eð er langur vegur frá því að hafa komið inn í kirkju og að hafa öðlast trú.  Jafnvel hörðustu vantrúarmenn og -konur ættu að vera mér sammála hér.

Vantrú styður mannréttindaráð

Loksins - gott framtak

Og fyrst þeir eru að þessu vil ég stinga uppá því að þeir haldi áfram og afnemi ellilífeyri, hætti að veita atvinnuleysisbætur, tvöfaldi olíusköttun, vsk upp í 40%, afnemi skólaskylduna og stuðning með menntakerfinu, hækki laun alþingismanna, ráðherra og ráðuneytisstarfsmanna, taki upp herskyldu eða aðra svipaða lögbundna skuldbindingu við atvinnuvegi svo eitthvað sé nefnt.  Hefur einhver fleiri góðar hugmyndir ...?

Barnabætur lækkaðar

NEEEEEEEI !!!

Og hvað eigum við þá að gera?  Hvernig getum við þá haft samskipti?  Við getum þó ekki farið að snúa til baka til löngu úreltra gamaldags samskipta eins og að hittast eða hringjast á.  Veit ríkisstjórnin af þessu?

Facebook-vefurinn bilaður

Af hverju fjölgar leigusamningum?

Nú þegar erlent farandvinnuafl kveður landi í auknum mæli í leit að feitari veiðilendum, hvaðan kemur þetta fólk sem fer í leiguíbúðirnar?  Er þetta fólk sem er búið að missa eigið húsnæði í skjalborgina um bankana? 

Leigusamningum fjölgaði um 48%

Vox populi um trúnaðarbrest.

Erfitt finnst mér að hugsa til þess að trúnaður sr. Bjarna sé almennt hálfgildur eða að hann skuli yfirhöfuð þurfa að velta vöngum yfir því hvort nauðsyn sé að þegja yfir trúnaðarupplýsingum.  Hér er ég samt í ákv. dilemmu því ég er sjálfur í mínu starfi bundinn trúnaði um upplýsingar sem ég fæ.  Gagnvart upplýsingum sem ég afla í mínu starfi beygi ég mig undir tilkynningarskylduna (aldrei hefur þó reynt á þetta).  Á sama tíma held ég að það sé mjög mikilvægt að til sé stofnun þar sem brotamenn geti leitað til og fengið áheyrn ÁN þess að eiga það á hættu að það sé á allra vitorði.  Hversu slæmur sem glæpurinn er hefur þetta fólk líka mannréttindi.  Er raunar merkilegt að þurfi að árétta þetta.

Hér snýst því málið EKKI um hvort barnavernd sé nauðsynleg eða hvort misnotkun barna sé eitthvað annað en hræðilegur verknaður.  Málið snýst um það hvort prestar geti haldið trausti þeirra sem leita til þeirra eða eins og sr. Bjarni orðar það: hvort hafi orðið trúnaðarbrestur milli presta og þjóðar.  Hvort færi maður þá frekar til sr. Bjarna eða sr. Geirs?

„Nú þarf Geir Waage að hætta“

Hefur heimafæðing enga kosti framyfir spítalafæðingu?

Mikið óskaplega er þetta illa unnin grein og full af villandi upplýsingum.  Nú vill svo til að 5 af 6 börnunum mínum hafa fæðst heima svo ég hef aðeins annan sjónarhól á þetta en fram kemur í greininni.  Sakna mikið hins pólsins í þessari heitu umræðu Mbl hér - að einhver ljósmóðir svari þessari gagnrýni og bendi að auki á ókosti fæðingar á sjúkrahúsi framyfir heimahúsi.  Það er flötur sem kemur hérna hvergi fram.
Flestar aðrar þjóðir sem ég þekki eitthvað til hafa stórt hlutfall heimafæðinga líklega 5-6% sem er miklu hærra en þekkist hérna.  Hérna eru enn fáar ljósmæður en að sama skapi bæði færar og reyndar og hafa stutt okkur hjónin með ráðum og dáð.  

Yfirlæknirinn segir að tvöfalt meiri hætta sé á nýburadauða í heimafæðingum en á sjúkrahúsum.  Hætta á nýburadauða er um 0.01% á sjúkrahúsi (also hverfandi) og í heimahúsi 0.02%.  Tvöfalt meiri áhætta?  Tölfræðileg blekking - í raun sáralítill munur.
 
Að konur stefni lífi barnanna sinna í hættu með heimafæðingum er ekkert annað en hreinræktuð læknalygi sem byggir fyrst og fremst á viðhaldi stofnsins - læknaklíkunnar.  Greinin hefst með annari mjög hæpinni fullyrðingu: að vandamál komi upp við fæðingar hvar sem þær eiga sér stað.  Auðvitað er þetta rétt upp að ákv. marki en bæði eru ljósmæður þjálfaðar til að takast á við þessi vandamál og að auki eru mörg þessi vandamál fyrirséð og þær mæður sendar á sjúkrahús.

Reynsla okkar hjóna og margra sem við þekkjum er að róin og friðurinn sem fylgir því að eiga í heimahúsi er margfalt þess virði að reyna hann.  Að auki færir það hjónin saman á þessháttar náinn máta sem ég efast að náist annarstaðar.

Heit umræða um heimafæðingar

Icesave og ESB er tvennt ólíkt - og þó!

Ég hef skoðað kosti og galla inngöngu í ESB og er henni ekki hlynntur.  Það hefur hinsvegar ekkert með Iceslave að gera enda þótt þessi mál tengist víða.  T.d. í þeim þvingunaraðgerðum sem Alþjóða Gjaldeyrissjóðurinn með sín tengsl inn í Evrópusambandið beitir að ógleymdum makrílveiðunum sem eru í enn í brennidepli.

Og nú hlýt ég að spyrja mig hvernig nokkrum detti í hug að „stækkunar“-stjórinn sjálfum búi yfir „hlutlausum upplýsingum“.  Líklega hefur Göbbels líka fundist hann búa yfir hlutlausum upplýsingum um innlimum Tékkóslóvakíu heitinnar.  Við skulum kalla þetta áróður, OK?  Sem ESB leggur fúlgur fjár í.  Hvaða sjóði hafa andstæðingar ESB að leita í svo fyrrnefnds hlutleysis og að auki jafnræðis sé gætt?

Gætu „tekið Noreg á þetta"

dragg, um drögg, frá dröggi, til dröggs

Nú er ekki lengur þorandi að hafa skoðun á Hinsegin dögum svo ég held skoðun minni fyrir mig á hópi sem á ekkert sameiginlegt nema þá kynhvöt sem beinist að eigin kyni.  Hinsvegar er þessi borgarstjóri  merkilegt kerti sem minnir mig á söguna um fjöðrina sem var þar að finna sem vindar blésu henni.  Gnarr er einkar viðfeldinn kall sem hefur daðrað við hina ýmsu þjóðfélagshópa, kallar sig trúð á góðum degi, titil sem virðist kannski ná kjarna þess sem hann hefur fram að færa.  Í öllu falli er ég óskaplega feginn að hann sé ekki við stjórnvölinn í mínu bæjarfélagi, nógu erfitt er þar samt. 

En fyrir mig fávísan, er dragg bara þegar karlmenn íklæðast kvenmannsfötum?  Ekki þegar konur íklæðast karlmannsfötum?

Óvæntur gestur

Frábært fjör

Er nýkominn aftur heim eftir virkilega yndislegan tíma.  Stykkishólmur líklega fallegasti bær á landinu og íbúar staðarins mjög ánægðir eftir hátíðina (sem er líka góður mælikvarði á hversu góð verslunarmannahátíð sé).  Takk Hólmarar fyrir að hýsa okkur

Frábær stemmning í Stykkishólmi

Drápa: „Þennan dag var þjóðin dæmd í hlekki ...“

Rakst á þetta myndband einhverstaðar á blogginu í gær og finnst það fantafínt.  Flottur Magnús Guðmundsson sem ætti að vera einhverjum þekktur sem söngvarinn í Þeysurum kemur sterkur inn með þessa drápu. 

Viðlagið er:

Þennan dag var þjóðin dæmd í hlekki
og komandi kynslóðir fengu þennan arf.
Á meðan sekir menn um götur frjálsir ganga
munu ófæddu börnin borga það sem þarf