og í þessu samhengi má minna á

... og í þessu samhengi má minna á ekki minna merkilega stjörnu: LoveStar enda þótt hún tengist halastjörnunni bara óbeint

Hægt að sjá halastjörnuna Lovejoy frá Íslandi

Úff, fer nú þetta af stað

… og einhverjir krefjast þess að náð verði í MP5 hríðskotabyssurnar úr tollvörugeymslunni eða aftur frá Norge (eða hvar sem þær eru í dag).  Og að löggan vopnavæðist nú almennilega vegna yfirvofandi árásar Salmans Tamini og kollega á DV (sem birti líka myndirnar frá Charlie Habdo).  Og að Siðmennt og Vantrú bölsótist út í öll önnur trúarbrögð en sín eigin.  Og krefjist afnáms kristinna gilda.  Og svínshausar fara að birtast á lóðum múslíma.  Og krossar brenna.  Og það takist loksins að etja saman fólki með því að telja því trú um að trúarbrögð séu rót alls ills og verði að uppræta þau og allir séu „vondir menn“ sem trúi á Guð (hvaða nafni sem þeir nefna hann) og hljóti að vera vitleysingar sem best sé að drepa …

Deildu og drottnaðu.  Og hver græðir eitthvað á þessu?

Meðfylgjandi sjáskot er frá DV í morgun á slóðinni:
http://www.dv.is/frettir/2015/1/9/gridarleg-undirliggjandi-olga-born-neitudu-ad-taka-thatt-i-kyrrdarstund/

Vek sérstaka athygli á því sem Kristján segir með samanburði á tengslum kristni við fjöldamorð Breiviks, og múslíma við fjöldamorð Kouachi-bræðra.

Óskráðir árásarrifflar hér á landi

að biðja fjölmiðla um hlutleysi?

hahahahahahaha … hlutleysi hjá fjölmiðlum ahahahahahahahh

Illt að treysta því að fjölmiðlar sýni hlutleysi. Í fjölmiðlum er daglega bakarar hengdir fyrir smiði og lítið gert þar til að leita sannleikans.

Cosby biður fjölmiðla um hlutleysi

´Þegar Líf stal jólunum'

Óttalegt rugl er þetta.  Það hlýtur að teljast merkileg endurskilgreining á starfi formanns mannréttindaráðs að hann vilji svifta þau börn (og foreldra) þeirra aðventustundinni.  Að meina börnum í kristnu landi að taka þátt í helgihaldi jólanna getur í besta falli flokkast sem hagsmunagæsla þeirra í Siðmennt (ætli Líf sé nokkuð þar innan dyra?).

Hvar sýnist henni komið nóg, þegar jólaföndrið er farið og hvað þá með trúna á jólasveinana og allt hitt?

Kannski hún hafi metnað í framhaldssögu ævintýrsins hans Dr. Seuss og sem gæti heitið: „Þegar Líf stal jólunum“

Segir heimsóknina í samræmi við reglur

Afleitu afleiðurnar og græðgisvæðingin - part IV (still no remorse)

Áættusækni og valdafíkn í bland við afleiðuviðskipti og bankabrask kom honum í topp 250 uns veruleikinn náði aftur í skottið á honum.  
Síðan býður hann lesendum að stíga um borð í vælubílinn með sér:
ég hefði ekki trúað því að „sjö bank­ar myndu reyna að knýja mig í gjaldþrot.“
Teljum síðan namedropping skiptin

Ef við erum eitthvað farin að ryðga í hvernig þetta var í RAUNVERULEIKANUM þá bendi ég á Wikitengla á afleiðuviðskiptum og á myndinni INSIDE JOB.
Að auki er síðan tengill á möguleika til að skoða myndina INSIDE JOB á netinu HÉRNA


Og PS
Gleymum ALDREI afskriftunum

Björgólfur Guðmundsson 96 milljarðar (90.000.milljónir)
Karl Wernersson 90 milljarðar
Ólafur Ólafsson 64 milljarðar
Magnús Kristinsson 50 milljarðar
Jón Ásgeir Jóhannsson 30 milljarðar

Hefur einhver tölur um Bj junior?

Björgólfur lýsir 50 Cent afmælinu

Frábært

Gleðitíðindi fyrir íslenska leikhúsmenningu.  Maður með vítt persónulegt litróf, menntun OG getu í djobbið.  Til hamingju Illugi, kannski þitt gæfuríkasta skref á árinu.

Ari næsti þjóðleikhússtjóri

kaldhæðni og feminismi

Uppástunga til mbl.is: Þar sem feminismi er jú bara ein skoðun af fjölmörgum sem tengjast samskiptum karla og kvenna gæti verið býsna gaman að fá einhverja aðra en hina MJÖG misgóðu MM til að hosta slíka síðu.  
Er þetta ekki síðan orðið býsna hvimleiðu þessi áráttuýtni á feminisma framyfir jafnrétti?  Hvaða markmið liggja þar eiginlega að baki?  Fyrst markmiðið er ekki lengur uppbyggileg samskipti fjölskyldna og einstaklinga - hvað þá?
í svona einhliða umræðu er t.d. dæmigert að birta krækju á frásögn frúarinnar en ekki mótaðilans Mansoor.
En Mbl er svosem ekki þekkt fyrir að birta málstað beggja aðila.  Því langar ykkur til að breyta, ekki satt?

„Þetta er satt sem þú segir, jafnrétti er ekki kynþokkafullt“

Er honum algerlega sammála

Leið lýðræðis er ekki að banna umræðu heldur að hvetja til hennar.  Leiðin til einhverrar syntesu liggur í upplýstri skoðun á grundvelli umræðu - ekki einni ríkisskoðun vegna þess að allar aðrar skoðanir eruð annað tveggja bannaðar eða þaggaðar.
Mannréttindi hverfa ekki sjálfkrafa við það að skoðanir fólks verða pólitískt rangar.

Við þurfum að þekkja að skrattinn á fjósbitanum er af hinu illa til þess að geta forðast hann.  Eins og einn mistækur poppari sagði: „til þess er vítin að vita þau til þess að geta varast þau“.  Við getum t.d. skoðað umræðuna um þjóðernishyggjuna v/s fjölmenningu í þessu samhengi.

Rangt að loka vefsíðu Ríkis íslams

Staða íslenskrar myndlistar?

Að mörgu leiti skemmtilegt rými og sjálfsagt heilmikil white cube stemning þarna möguleg.  Hugrenningartengsl ögn neðanbeltisleg sem er kannski bara framhald af stöðu menningarinnar: útrás hins innétna.  Kannski hægt að bjóða t.d. belganum Wim Delvoye að ríða á vaðið þarna...

Náðhúsi breytt í listagallerí

Hagsmunir Bandaríkjanna

„Obama sagði, að hver sá sem ógni hags­mun­um Banda­ríkj­anna ætti sér eng­an griðarstað.“

Er ekki kominn tími til að við ræðum ögn um hagsmuni Bandaríkjanna versus annarra landa?  Og hvað ef hagsmunir þeirra skarast við okkar?  Kannski ögn eins og hefur gerst núna tvívegis undanfarin 40 ár milli okkar og Breta.  Eigum við okkur þá engan griðastað?  Og hvað þýðir það praktískt?  NSA og drónar? Loftárásir?  Nato?

Vona svo sannarlega að þessi ummæli hafi aukist svona í Mbl-þýðingunni.

Rússar aðvara Bandaríkjamenn