Hvað drepur býflugur?

Það var einu sinni haft eftir Albert Einstein að ef býflugur hyrfu af yfirborði jarðarinnar ættu mennirnir ekki nema 4 ár eftir ólifuð.  Engar býflugur, engin frjóvgun ... ekkert mannkyn.  Enda þótt það sé eitthvað á reiki hvort það hafi verið Albert sjálfur eða einhver annar sem hafi í raun sagt þetta breytir það engu um hættuna sem mannkynið stendur frammi fyrir við dauða býflugnanna.  í raun hefur dauði býflugnanna verið rakinn til margra ólíkra hluta sem ógna umhverfi okkar og náttúru: hnattrænnar hlýnunar, skortdýraúðunar og ekki síst geislunar vegna GSM mastranna.  Hvet ykkur til að skoða síðuna bloggað um rafsegulmengun þegar fram líða stundir.

En býflugurnar sjá um mest alla frjóvgun jurta og án þessarar frjóvgunar þarf að grípa til einhverra annarra leiða.  En þetta ætti að kveikja einhvern ótta í brjóstum þeirra sem þekkja lykilhlutverk býflugna í vistkerfum heimsins.  En ef við veltum fyrir okkur þessum þáttum sem eru taldir orsaka dauða býflugnanna þá eru ofangreindir þeir sem oftast eru nefndir - allir eiga þeir rætur að rekja til okkar mannanna á einn eða annan máta.  Gott og vel, hnattræn hlýnun er eða er ekki orsökuð af brambolti mannanna á plánetunni bláu en örugglega hinir tveir þættirnir.   

Dularfullur býflugnadauði

Betri Hawkins

Kynntist Tim nokkrum Hawkins í dag og deili gjarnan kunningskap mínum með honum.

Hérna er t.d. nokkuð skemmtilegt myndband sem heitir: I don´t drink beer.

Annars er þessi Hawkins talsvert í uppistandinu og gerir það bráðvel, meira: www.timhawkins.net

Áfengissýkin heimtir fórn

Þvílík heimskufyrirsögn.  Þegar vandamálið er drykkja ofstopafólks skiptir minnstu hvaða tilliástæða er notuð til að springa.

Deila um Guð kostaði tvö mannslíf

Google er mjög ósvalt

Þau skipti þegar fjallað er um Google í dagblöðunum er það þvílíkur fagurgali að við liggur að leitarvélin sé upphafin í goða tölu.  Þar skrifaði t.d. Karl Blöndal mikla lofgrein um Google einhvern sunnudaginn í vor þar sem hann m.a. hrósaði veldinu fyrir snilldina að byggja auðveldi á upplýsingum um almenning.  Líklega heldur Karl varla vatni yfir snilldinni hjá Zuckerberg á Facebook.  Man sértaklega eftir því hvernig ég hjó eftir því hjá Karli hve hann gerði lítið úr hlut þeirra sem ekki treysta þessum risum og vilja nota aðrar leiðir í lífi sínu.  Þeir væru hvort eð er fólk sem hefði ábyggilega óhreint mjöl í pokahorninu og þyrfti að gera hreint fyrir sínum dyrum. 
Ég er hinsvegar einn af þessum mönnum sem forðast að nota Google en ekki vegna þess að ég hafi óhreina samvisku heldur vegna þess að ég vantreysti þeim sem safna upplýsingum um samferðafólk sitt, hvort sem við köllum þá Stazi eða Smettiskruddu.  250 þúsund þjóðverjar eru ósáttir við að fyrirtæki græði peninga að birta af þeim myndir.  Ég gleðst því yfir því að aðilum fari fjölgandi sem vilja hag persónuverndar sem mestan og hvet fólk eindregið að styðja slíka aðila. 

Hvet fólk til að leita á netinu (t.d. með frontpage.com sem hvorki geymir leitina né tengir hana við IP-tölu vélarinnar þinnar) eftir aðilum sem styðja t.d eftirtalda hluti: persónuvernd, friðhelgi, einkalíf, neytendamál, einstaklingsfrelsi ofl.

Aðdáendur Google grýttu eggjum í þýsk heimili

Að kefla sannleikann

Enda þótt ég viti ekkert um þennan ákveðna drykk er það löngu vitað að matvæli HAFA lækningarmátt og fyrirbyggja eða vinna á sjúkdómum manna.  Það fer raunar bæði eftir hvaða matvæli um er að ræða ekki síður en um hvaða sjúkdóma um er að ræða ... en breytir engu um það að þetta er til.  Nefni bara tengsl C-vítamíns við skyrbjúg. 
Af hverju er þetta þá bannað ef það er satt?  Væri ekki nær að leita sannleikans heldur en að binda allt í reglugerðir?

Drykkur frá My Secret innkallaður

þjóðþrif

Eins gott að láta ekki reykinn af þessu ógeði leggja yfir sig .

Brenna sjö tonn af fíkniefnum

ástralskur gnarr

Þetta er annar maðurinn sem fréttir berast af núna nýverið sem lendir í vandræðum í kjölfar húðflúrunar.  Auðvitað er þetta ígrip inn í eðlilega starfsemi líkamans enda líkaminn óvarinn fyrir þessari lúxusfegrun.  Annars ótrúlegt hvað margir eru komnir með þetta, það sem áður einkenndi sjómenn sem höfðu dottið of hressilega í´ða í Hull eða Grimsby og fengið tattúað „mamma“ sinni á upphandlegginn, er nú orðið einkenni sófadýrsins og wannabí træbal stríðsmanns .  Það er örugglega auðveldara að koma sér í vandræðin en úr þeim.  Veit annars einhver hvernig hægt er losna við svona blek undir húðinni.  Gæti trúað að það yrði stórkostlegur markaður fyrir þetta þegar bólan hjaðnar.

Húðflúrað kynfæri á bak vinar síns

Súpandi áfengt þjóðfélagsseyði?

Ungir eru þeir sjálfstæðismenn sem hafa ekki áttað sig enn á því hvernig þjóðfélög virka.  Mjög ungir.  Því að öll eru við býsna mikið tengd hverju öðru og jafnvel meira en við fyrstu sýn.  T.d. er það vissulega á herðum borgarbúa og jafnvel þjóðarinnar ef Bermúdaskál eins verður að vandræðum annars.  Nú getur hver sem er skoðað tölur SÁÁ um fjölda innlagna vegna áfengisneyslu, sjálfsagt eru til opinberar tölur hjá sjúkrahúsum og tryggingafélögum um tjón og slys af völdum áfengisneyslu og ábyggilega eru ófáir sem hafa lent í því, eins og Einar borgarfulltrúi komst að orði: að skitið og migið sé í garðinn hjá því.  Ég þekki fólk í Grjótaþorpinu sem segja þetta reglulegan viðburð um helgar. 

En auðvitað á fullorðið fólk að vera fullfært að taka ákvörðun um neyslu sína, ekki satt?

Afhentu Einari Erni áfengisstefnu

Aðskilnaður menntunar og mannréttinda?

Líklega eru Vantrúarmenn í essinu sínu einmitt þessa dagana enda eru þeir minnihlutahópurinn sem tókst að ýta mannréttindaráði út í þessa vitleysu.  Auðvitað höldum við sem kristin þjóð bæði jól og páska og það eru sjálfsögð mannréttindi barnanna að fá að skilja hvaðan og hvernig þessar hátíðir tengjast okkur.  Það er hvort eð er langur vegur frá því að hafa komið inn í kirkju og að hafa öðlast trú.  Jafnvel hörðustu vantrúarmenn og -konur ættu að vera mér sammála hér.

Vantrú styður mannréttindaráð

Loksins - gott framtak

Og fyrst þeir eru að þessu vil ég stinga uppá því að þeir haldi áfram og afnemi ellilífeyri, hætti að veita atvinnuleysisbætur, tvöfaldi olíusköttun, vsk upp í 40%, afnemi skólaskylduna og stuðning með menntakerfinu, hækki laun alþingismanna, ráðherra og ráðuneytisstarfsmanna, taki upp herskyldu eða aðra svipaða lögbundna skuldbindingu við atvinnuvegi svo eitthvað sé nefnt.  Hefur einhver fleiri góðar hugmyndir ...?

Barnabætur lækkaðar