Er þetta 1. apríl gabb ???

Sorglega vitlaus hugmynd og hversu mjög er hún í takt við útrásina.  Allir eru þeir svo uppteknir af sjálfum sér að enginn getur unnt neinum þess að hafa átt nafngiftina  - NEMA þeim sem á mest monnípening.  Skítt með andagift eða skáldlegt innsæi, horfum framhjá tilfinningu fyrir málinu og frumlegum innblæstri.  Sá skal eiga flottastan bílinn, stærsta bankann og flest örnefnin sem er ríkastur.  Sá sem á mest í veskinu skal ráða. 

Með fullri virðingu fyrir höfundi þessarar hugmyndar: ég hef held ég aldrei heyrt menningarsnauðari dellu en að t.d. parís hilton geti keypt sér rétt til að skíra eitthvað í höfuðið á sér uppi á hálendi Íslands í kraft peninga sinna. 

Eins og sonur minn 9 ára segir: kommon?!

Nafn nýrrar eldstöðvar verði boðið upp á eBay

Nekt v/s klám

Þetta umræðu efni kannski eins og svo mörg skiptir viðmælendum í tvær vígstöðvar.  Annar hópurinn segir að hræðsla við nekt sé geðsjúkdómur, á meðan að hinn hópurinn virðist hafa áttað sig á að heimur og haf liggi á milli nektar og kláms eða pornógrafíu.  Engum dettur t.d. í hug klám í  skiptiklefunum í sundi - þar athafnar þó kviknakið fólk sig án teljandi vandræða.  Stundum hef ég þó séð útlendinga lenda í einhverjum vandræðum, eitthvað sem við getum kallað árekstur milli mismunandi menningarheima.  En vel að merkja: þarna er fólki skipað í klefa eftir kynferði, karlar sér og konur sér. 
En aftur að fyrri hópnum, þeim sem vekur eiginlega meiri áhuga minn sem stendur.  Þarna eru rosknir, vel stæðir karlmenn í miklum meirihluta skv. könnun MMR.  Þessi hópur lítur á það sem sjálfsögð mannréttindi að fá að glápa á allsbert fólk og fer að hrópa um forræðishyggju þegar þeim er bent á að þetta samræmist nú eiginlega ekki mannréttindum og virðingu við þá sem á er glápt. 

Svo er það líka merkilegt í þessu máli öllu að ríku, gömlu kallarnir í fyrri hópnum eru ekkert spenntir fyrir því að dansa neitt fyrir aðra, þeir vilja bara hafa fólk til að glápa á án þess að þurfa að gera neitt sjálfir.  Málið snýst sumsé ekki um jafnan rétt allra til að horfa á alla, heldur bara um „rétt“ einhverra örfárra að fá að æsa í sér girndina með því að horfa á fólk hátta sig. 

Mikið rosalega er ég feginn því að súlustaðirnir loka.  Og mikið rosalega óska ég þeim konum sem þar höfðu atvinnu við að láta fyrrnefndan fyrrihóp glápa á sig, að þær finni einhverja atvinnu sem samræmist þeirri virðingu sem þær eru fæddar til.  Og mikið rosalega óska ég fyrri hópnum þess að þeir skilji vanvirðinguna við manneskjuna í þessari glápþörf sinni, hvort sem þessari þörf er svalað á súlustöðum, á tölvunni eða annarstaðar.

Flestir vilja banna nektardans

Gott framtak!

Var að ræða við fólk fyrir helgi sem á heima á Hvolsvelli og mér þótti miður að heyra af óttanum þarna.  Hvað verður um túnin og skepnurnar?  Verður flúorið svo mikið að vöxturinn í vorinu spillist, eitraður svörður?  Þetta eru miklu áleitnari spurningar en maður áttar sig á.  Mér finnst gott hjá Ólafi að sinna þessu fólki - hann sinnir sínu starfi.

En yfir í annað, grínviðurinn segir (staðfæring á „grapewine has it“) að eins og alkunna sé hafi hið ískenska hagkerfi lagt upp laupana.  Það hafi hinsvegar átt þá síðustu ósk að  ösku sinni verði dreift yfir Evrópu.

Forsetinn á gossvæðinu

AGS + ESB = Landráð

Jóhanna, Steingrímur, Gylfi og Már (seðlabankastj.) ætla að láta þjóðina borga ICESAVE fullu verði + vexti.  Var ekki samið um annað?  Bendi á fantafína bloggfærslu Guðmundar Ásgeirssonar hér.

Dear Europe

We sincerely regret any inconvieniences caused by this unforseen eruption.  We are quite frankly, just as you, taken in by this touch of the higher power now stretching out touching the continent.  Please do not necessarily take this as a sign from above regarding EU, many other options are available, e.g. ... eh... well, ...

Ekkert flug þriðja daginn í röð

1.600.000.000 ástæður

Það eru 1600 milljón ástæður fyrir því að Þorgerður Katrín víki á meðan rannsóknarnefnd Alþingis rannsakar hennar mál.  Fylgja ágætu fordæmi Björgvins G. ofl.  Að hún leggi sitt að stjórn landsins á meðan óvissa er um forgangsröð hennar er óþolandi.  Enda þótt eitthvað færri ástæður séu fyrir því að Bjarni dragi sig í hlé eru þær þó ennþá mikilvægari enda er hann formaður stærsta flokks landsins og hans fordæmisgildi er ótvírætt.  Við viljum nýtt Ísland þar sem stjórnendur hafa hreinan skjöld.  Sómi Íslands, sverð og skjöldur skal verða kredo hvers og eins.

Vilja að varaformaðurinn víki

Þvílík landkynning!!!

Nú þarf enginn að kvarta lengur yfir því að Ísland sé ekki inni á heimskortinu.  Ef við látum það einu gilda hvers eðlis kynningin er getum við fallist á að vera þegar best lætur daglega milli tannanna á fólki.  Nú fara líka allir (og amma hans) að leita leiða  til að pranga einhverju inná þetta ferðamannahlaup sem öll þessi gos hljóta að bræða og hleypa síðan fram þegar aftur er fært til landsins.

Er einmitt að lesa Draumalandið hans Andra Snæs þessa dagana (mæli eindregið með því að lesa þessa sjálfshjálparbók handa hræddri þjóð - oft var þörf...) og svo ég vitni (bls 131): „Þegar alger kreppa ríður yfir kemur oft eitthvað í staðinn, samtakamáttur fólksins losnar úr læðingi, valdakerfi riðlast og gömul goggunarröð breytist.  Alger kreppa eða algert hrun getur verið forsesenda uppstokkunar og umbreytinga.“ 

Þetta er einmitt málið, leita sér upp möguleikana í stöðunni, finna sóknarfærin, allar stöður hafa einhverja jákvæða og spennandi fleti.  En endilega velja sér fjárfestana MJÖG gaumgæfilega (t.d. er nafnið í skýrslunni?)

Ísland ofarlega í huga ferðalanga

Þetta er sko ekkert Disneygos

Einhverstaðar er aflið og krafturinn í þessu gosi það miklu meiri að Fimmvörðugosið virðist svona eins og prumpgos í Disneypark í samanburði.  Það var alveg hreint óttalegt að sjá 7 fréttirnar og finna fyrir eyðileggingarmætti gossins sem er þó bara rétt byrjað að sýna klærnar.  Hræðilegt að sjá túnin og skepnurnar - biðjum fyrir því að þetta verði ekki til að bændur missi alla fótfestu.
Brandarinn af Facebook er þó svoldið fyndinn - þessi með að Evrópa sé að kvarta við okkur yfir því að hafa beðið um CASH en við sendum bara ASH.

Skarðið gæti nýst næsta flóði

With love from Iceland.

Ég bloggaði eitthvað um landkynningu hér fyrr og aftur gefst þetta bráðfína tækifæri til þess.  Því nú reynir sko heldur betur á þolrif „frændra vorra“ í Skandinavíu.  Við erum búin að koma okkur útúr húsi á norðurhluta meginlands Evrópu - nú látum við frændþjóðir okkar finna fyrir því hvar Davíð (?!) keypti ölið.  Talandi um ímyndarvanda þjóðar og hvernig beri að vinna á honum .

Stöðvi flugumferð yfir allri V-Evrópu

Úr öskunni á kaf í eldinn?

Við ættum nú ekki aldeilis annað eftir en að hröklast helsærð í kjaftinn á þeim fúla ESB-úlfi.  Þeir vita sjálfsagt ekkert um það hjá Berlinske Tidende en þetta var það fyrsta sem þjóðin hafði verið sammála um í langan tíma - tímamót í virku lýðræði á Íslandi.  Við hverfum ekki svo glatt til baka aftur fyrir þann tíma.

ESB leiðin út úr kreppunni