Skarpsýnin helst óbreytt

Meiri skarpsýnin hjá utanríkisráðherra, þessar ´þvinganir´ hafa komið verst niður á okkur og líklega eyðilegt viðskiptasamninga til langframa.  Rússar tóku nefninlega uppá því að auka innanríkisframleiðslu sem þessum skorti á aðkeyptum varningi nam.  Líklega eitthvað sem nýttist okkur sjálfum ágætlega til að auka framleiðni og minnka viðskiptahalla.

Viðskiptabann helst óbreytt

-Það er allt glatað hjá þér-

Þeir eru nú einhverrar athygli verðir þessir ofvöxnu heimdellustrákar með sína excelhugsun og sín frjálshyggjufés sem gefa skít í tilfininningar og annan slíkan landsbyggðarlúxus.  En núna þegar GMB hefur séð að sér og ætlar aldrei framar að særa tilfinningar fólks, er þá ekki sjálfhætt bæði í pólitík og fjölmiðlun?   Önnur áleitin spurning í beinu framhaldi er hvort nokkur á landinu þurfi síðan á Gísla að halda fyrst Gísli þurfi fyrst og fremst á borginni að halda?

Úr flatlendinu í Flóa. 

„Það var glatað hjá mér“

Heldur aumlegt og einsleitt úrval

Ég glotti nú alltaf þegar fólk úr skemmtibransanum ætlar að taka Reagan á þetta.  Nenni því ekki að tala um Gnarr, Proppé eða Ólafíu sem mér þykir skárri þar en annarstaðar.  Ber hinsvegar mikla virðingu fyrir Björku.  Og raunar Kára og Rögnu en persónulega þykir mér þau óheppilega tengd pólitískt.  En afhverju er ekki Samfylkingarmaðurinn Stefán Jón Hafstein á listanum?  Eða Katrín Jakobs sem mér þætti e.t.v. best koma til greina fengist hún til starfans.

Sjö heitustu forsetaframbjóðendurnir

Með eða á móti sjálfsvígi?

Ef ég skil þessa grein rétt þá gefur landlæknir grænt ljós á Seroxat sem kom í ljós fyrir 15 árum síðan að yki líkurnar á sjálfsvígi neytenda.  Og réttlætingin á því sé að öll lyfjameðferð gegn þunglyndi feli í sér „aukna áhættu á sjálfsvígi.“

Við meðferð á sjúkdómnum þunglyndi sem m.a. getur leitt til sjálfsvígs mælir Landlæknisembættið með lyfjum sem auka líkur á sjálfsvígi.  Skil ég þetta rétt?  Og þetta finnst þeim í lagi? 

Segið mér að þetta sé mbl.is að brengla niðurstöðum.

Einhver sagði mér síðan nýlega að Íslendingar tækju meðst allra þjóða heims af geðlyfjum, ætli þetta sé satt?

Fengu umdeilt þunglyndislyf

*einkunnirnar

einkunn, miskunn, forkunn, vorkunn ... hvaða fleiri orð voru það aftur sem beygjast eins... ?

Blaöamönnum sem ekki kunna að beygja íslensk orð ráðlegg ég að fletta uppá ´Beygingarlýsingu íslensks nútímamáls´ hjá Stofnun Árna Magnússonar í íslenskum fræðum.  Flest orð íslenskrar tungu og ef svo skyldi vilja að þið rækjust á orð sem ritstjórinn, Kristín Bjarnadóttir, hefur ekki enn sett inn, er hún mjög hjálpleg við slíkt.  Muna núna að vista krækjuna: http://bin.arnastofnun.is/leit/?q=einkunn

Kastaði staurnum til sigurs

11. september

Í tilefni dagsins er viðeigandi að minnast þeirra sem féllu 11.9.2001 

Margir hafa heiðrað minningu þeirra en ég held hreinlega að ég hafi hvergi heyrt minnst á „Minnismerki tileinkað heimsbaráttunni gegn hryðjuverkum“, líka þekkt sem „Minning társins“ eða „Sorgartárið“.  Á sökkul verksins eru höggvin inn nöfn allra sem létust þarna.  Minnismerkið var afhent persónulega af Vladimir Putin sem gjöf til bandarísku þjóðarinnar frá Rússum.  Staðsett í Bayonne NJ, USA.

Veitir Ísland stríðsbrölti USA brautargengi?

Óttalegur heimóttarskapur er þetta sífellt í ykkur að upphefja USA sem bjargvætt yfirhöfuð einhvers.  Þeir hafa farið með ofbeldi og ránum inn í hvert landið á fætur öðru við botn Miðjarðarhafs,stundum með Ísrael, stundum með NATO og skilja löndin eftir í rúst, eymd og volæði.  Úraníumskot USA í Afganistan gerðu landið óhæft til byggðar og síðan kalla þeir sig ´friðar´gæsluliða?  Þeir dældu vopnum og peningum í herskáa milizhópa í Sýrlandi á dögum Saddams sem síðan stigbreyttust í IS.  Endilega horfið þið á aðrar sjónvarpsstöðvar en CNN eða Reuter.  Mæli t.d. með Aljazeera eða t.d. RussiaToday annað veifið svo þið festist ekki alveg í pro-USA áróðrinum.
En vegna hans Houstons sem kíkir inn á öll kanablogg, því fer fjarri að ég hati bandaríkin og enn síður bandaríkjamenn.  Hinsvegar set ég miklar efasemdir um að geopolitísk framganga USA í nágrannaríkjum Rússlands og fyrir botn Miðjarðarhafs þjóni heimsbyggðinni.  Þjóni í raun engum öðrum en þeirra eigin hagsmunum.

Bandaríkjaher skoðar mannvirki á Keflavíkurflugvelli

hokinn af reynslu

Mig minnir endilega að Óli Gneisti hafi oft farið stórum hér á mblbloggi - kannski Vantrúarhliðin á honum sem er svona eftirminnileg.  Pælingin mín snýr því að persónulegri reynslu hans af báðum hliðum …

Þurfti að ritskoða kommentin

Frumhlaup Gunnars Braga

Ótækt er fyrir ríkisstjórn, og raunar fyrir hvern rekstur, að hafa starfsmenn í lykilstöðum sem vinna beinlínis gegn hagsmunum landsins.  Það gengur ekki lengur að Gunnar elti gagnrýnislaust þá leiðtoga álfunnar sem eru hvað mestar strengjabrúður NATO og ESB.  Hálf ríkisstjórnin er á fullu við að reyna að leiðrétta þann skaða sem hlaust af því að Gunnar starfi sem utanríkisráðherra.  Megi sá næsti (komi hann fljótt) bera gæfu til að hafa hagsmuni þjóðarinnar að leiðarljósi en ekki stríðsæsing kollega sinna erlendis.

Vil samt ekki taka undir orð lögmannsins Sigurðar G. enda hefur hann mun oftar reynst leika tveim eða þrem skjöldum (sbr. eigendaskipti DV).

Forsætisráðherra ræddi við Medvedev

Sorgleg afstaða USA

Þetta er sorgleg afstaða sem USA tekur gagnvart Snowden og þarmað öllum heiminum.  Fyrir hans blístrublástur (whistleblow?) fékk umheimurinn via Wikileaks upplýsingar um hvernig leyniþjónusta USA brýtur mannréttindi og nánast öll lög og reglur alþjóðasamfélagsins.
Því með þessari afstöðu leggja þeir blessun sína yfir allt það sem hann barðist gegn: pyndingum í Guantanamo, mannréttindabrotum útum allan allan heim að ógleymdum njósnum meðal allra leiðtoga í heimi.  Mikilvægi hans á heimsmælikvarða á að vera reiknanlegt á þeim skala gagns sem hann færir heiminum.  Að koma upp um lygi, að fletta ofan af svikum og draga krimmana í ljósið.  Friðarverlaun Obamas ætti hiklaust að flytja yfir á hann.
Free Snowden

Hérna Snowden á TED um mikilvægi friðhelgi einkalífsins og internetsins:

Við getum síðan fabúlerað ögn um siðferðilega afstöðu almennt, er það almennt viðsættanlegt að stela til að bjarga mannkyninu, fórna einstaklingi fyrir heildina eða drepa, lífsins vegna.  Í mínum huga er Snowden hetja sem fórnaði eigin (daglegu) lífi fyrir heill heimsins.

 

 

 

Snowden fær ekki sakaruppgjöf