Himnaríki og helvíti

Helgur maður var í viðræðum við Guð og sagði:

 

Drottinn, mig langar að vita hver munurinn er á himni og helvíti.

 

Svo Guð tók manninn að tvennum dyrum.

 

HANN opnaði aðra þeirra og hinn helgi maður leit inn.

 

Í miðju herbergisins var stórt hringlaga borð á miðju þess var stór pottur með pottrétti sem ilmaði svo vel að hinn helgi maður fékk vatn í munninn.

 

Fólkið sem sat við borðið var horað og veiklulegt og leit út fyrir að vera að svelta í hel.

 

Fólkið hélt að skeiðum með löngu handfangi og hendur þeirra voru bundnar við stólana en þó gátu þau veitt matinn upp úr pottinum með skeiðinni.

 

En þar sem handföngin á skeiðunum voru lengri en hendur þeirra þá gátu þau ekki komið matnum úr skeiðinni upp í sig.

 

Hinn helgi maður varð undrandi á þeirri eymd og þjáningu sem við honum blasti.

 

Guð sagði, 'Þú hefur nú séð inn í helvíti.'

 

Síðan fóru þeir að næstu hurð og opnuðu hana.

 

Við blasti sama sjón og í fyrra herberginu.

 

Stórt hringlaga borð með stórum potti fullum af pottrétti sem einnig varð til þess að hinn heilagi maður fékk vatn í munninn.

 

Fólkið hafði sama búnað, þ.e. skeiðar með löngu handfangi. Munurinn var hins vegar sá að þetta fólk var vel haldið, kátt,hresst og talaði saman.

Þetta sagðist hinn helgi maður ekki skilja.

 

Þetta er einfald, sagði Guð.  En þetta krefst eins hæfileika.

 

Eins og þú sérð þá hefur þetta fólk lært að mata hvert annað á meðan að hinir gráðugu hugsa eingöngu um sjálfan sig.

Athugasemdir

[Aðalbjörn Leifsson, 11.11.2008 kl. 20:30]

Ha ha, hjálpaðu náunganum og þá mun þér vegna vel. Jesús sagði okkur að elska náungann eins og sjálfa okkur. Takk fyrir þetta.

[Halldóra Ásgeirsdóttir (IP-tala skráð) 11.11.2008 kl. 23:01]

Sæll Ragnar!

Kærleikurinn fellur aldrei úr gildi!

Guð blessi þig og þína!

[Ragnar Kristján Gestsson, 12.11.2008 kl. 15:12]

Sæl bæði tvö, Biblían tala m.a.s. um sameiginlega umhyggju (1Kor 12.25) og að miðla þurfandi (Efe 4.28 b).  Guð blessi ykkur.

[Rósa Aðalsteinsdóttir, 17.11.2008 kl. 00:36]

Christian Glitter by www.christianglitter.com

Sæll og blessaður

Búin að fá þennan póst sendan. Fólk hefur aldeilis hugmyndarflug sem kann að semja svona brandara.

Flott innlegg hjá ykkur öllum.

Hlakka til að sjá þegar þú skrifar um blessanir þínar.

Vertu Guði falinn

Kær kveðja/Rósa