Og enn styður Benedikt bankana

Það að draga úr reiðufé er fyrst og fremst liður í því einkaleyfi á flutningi fjármuna sem Benedikt hyggst afhenda bönkunum á silfurfati. Sá fyrirsláttur að þetta stöðvi svart hagkerfi dugar skammt því það sem gerist er að aldrei framar verður aur færður innan þessa kerfis öðru vísi en að bankinn taki af því færslugjald og þjónustugreiðslur og vinnslugjald og vaxtabótaskilmálagjald og endurnýjunargjald og vistunarþóknun og upplýsingagjald og … Og Benedikt er röskur að afnema allt það sem Frosti Sigurjóns barðist fyrir í síðustu ríkisstjórn, nokkuð sem var e.t.v. það róttækasta sem hefur verið reynt í íslenskri fjármálapólitík síðustu ára. Og ábyggilega það sem nýttist hinum almenna borgara best.

10.000 króna seðillinn úr umferð

Athugasemdir

[Hrossabrestur, 23.6.2017 kl. 13:18]

Fer ekki svarta kerfið þá bara yfir að Bitcoin?

[Ragnar Kristján Gestsson, 23.6.2017 kl. 13:39]

Það er í raun ekki svarta kerfið sem ég hef áhyggjur af, það er "hvíta" kerfið sem þarf að fylgjast með.  Og þeirra Snatar. Ég hef djúpar áhyggjur af stjórnkerfi sem hefur sterka tilhneygingu til að vilja auka sín mikliu völd og vill fylgjast náið með öllum hreyfingum þegna sinna.  Hvenær er það réttlætanlegt að svifta fólk persónufrelsi sínu til að hafa hendur í hári misímyndaðra kóna? 

Hvenær gefum við bönkum eða peningastofnunum óskoruð völd til að einoka hreyfingar peninga?

Hvenær rýmkum við lögheimildir til að hægt sé að hlera og fylgjast með öllum í nafni vorvarna?  Ef einhverjum skyldi nú detta í hug að stela/ svíkja undan skatti/ reykja gras/ flengja krakkann sinn/ [endalaus listi]