Sorgleg afstaða USA

29.7.2015 | 10:06

Þetta er sorgleg afstaða sem USA tekur gagnvart Snowden og þarmað öllum heiminum. Fyrir hans blístrublástur (whistleblow?) fékk umheimurinn via Wikileaks upplýsingar um hvernig leyniþjónusta USA brýtur mannréttindi og nánast öll lög og reglur alþjóðasamfélagsins.
Því með þessari afstöðu leggja þeir blessun sína yfir allt það sem hann barðist gegn: pyndingum í Guantanamo, mannréttindabrotum útum allan allan heim að ógleymdum njósnum meðal allra leiðtoga í heimi. Mikilvægi hans á heimsmælikvarða á að vera reiknanlegt á þeim skala gagns sem hann færir heiminum. Að koma upp um lygi, að fletta ofan af svikum og draga krimmana í ljósið. Friðarverlaun Obamas ætti hiklaust að flytja yfir á hann.
Free Snowden

Hérna Snowden á TED um mikilvægi friðhelgi einkalífsins og internetsins:

Við getum síðan fabúlerað ögn um siðferðilega afstöðu almennt, er það almennt viðsættanlegt að stela til að bjarga mannkyninu, fórna einstaklingi fyrir heildina eða drepa, lífsins vegna. Í mínum huga er Snowden hetja sem fórnaði eigin (daglegu) lífi fyrir heill heimsins.

	Snowden fær ekki sakaruppgjöf
Ábyrgðarmaður færslu Tilkynna um óviðeigandi tengingu við frétt

Flokkur: Trúmál og siðferði | Facebook

Athugasemdir

Mögnuð mynd "Citizen four", en hafa uppljóstranir Snowden haft einhver varanleg áhrif. Vissulega er fólk nú meðvitaðra um það sem gerist bakvið tjöldin en það er enn njósnað um almenning og hleranir á símum þjóðhöfðingja og annarra í ábyrgðarstöðum eru aftur samkvæmt "business as usual".

Ragnhildur Kolka, 29.7.2015 kl. 10:46

Já þessi athugasemd á því miður rétt á sér - þótti t.a.m. magnað þegar Merkel komst að því að Obama hefði hlerað símann sinn: ´skamm-skamm, svona njósnar mar nú ekki um vinina sína.´

Og síðan ekkert meira. Ha? Enginn skandall? Engin hörð viðbrögð utanríksþjónustunnar? Slíta stjórnmálasambandi uns opinber afsökunarbeiðni barst?

Heimilidarmyndina Citizen four er hægt að sjá á Youtube:
https://www.youtube.com/watch?v=rn4F8CCvmyA

En samt er ég óbifanlegur í þeirri fullvissu að dropinn holi steininn og í þeim samanburði vil ég halda áfram að vera dropi þótt máttur dropans sýni sig aðallega í tímanum og fjölda dropanna sem vinna saman.

Ragnar Kristján Gestsson, 29.7.2015 kl. 11:18