´Þegar Líf stal jólunum'

Óttalegt rugl er þetta.  Það hlýtur að teljast merkileg endurskilgreining á starfi formanns mannréttindaráðs að hann vilji svifta þau börn (og foreldra) þeirra aðventustundinni.  Að meina börnum í kristnu landi að taka þátt í helgihaldi jólanna getur í besta falli flokkast sem hagsmunagæsla þeirra í Siðmennt (ætli Líf sé nokkuð þar innan dyra?).

Hvar sýnist henni komið nóg, þegar jólaföndrið er farið og hvað þá með trúna á jólasveinana og allt hitt?

Kannski hún hafi metnað í framhaldssögu ævintýrsins hans Dr. Seuss og sem gæti heitið: „Þegar Líf stal jólunum“

Segir heimsóknina í samræmi við reglur

Athugasemdir

[Linda (IP-tala skráð) 11.12.2014 kl. 09:48]

Skóli á ekki að sjá um trúarlega innrætingu barna. Foreldrarnir geta sjálfir farið með börnin í kirkju. 

[Hildur (IP-tala skráð) 11.12.2014 kl. 13:39]

Hver segir að skóli eigi ekki að sjá um trúarlega innrætingu barna.  Er það ekki foreldrar viðkomandi skóla sem geta ákveðið það fyrir börnin.  Ég held að það sé stórhættulegt að ríkisvald sé að skipta sér of mikið af þessum málum. Ekki viljum við þróun eins og varð hjá kommúnismanum þar sem trú var bönnuð. 

[Ragnar Kristján Gestsson, 11.12.2014 kl. 22:21]

Þakka ykkur Linda og Hildur fyrir innlitið. 

Linda: þetta er oft línudans milli forsjár og frelsis.  Á Íslandi er þjóðtunga - finnst þér óeðlilegt að hún sé kennd? 
Á Ísland höfum við þjóðararf í handritum og sögum - finnst þér mega koma því að í námsefninu? 
Ísland hefur ýmsa sérstöðu aðra, er hluti af eyjasamfélagi og byggir mikið á fiskveiðum - er þér sama þótt við komum ögn inn á það í skólanum?  Ég reikna með að foreldrar séu ekki ofgóðir að fara með krakkana sína í frystihúsaheimsóknir.
Hvað með aðra „innrætingu“?  Hvað með þá innrætingu sem felst í kvikmyndum?  Hvað finnst þér við ættum að fara langt með það?  Leyfa Disney en banna restina?  Banna kannski bara allt klabbið?  En fatatísku?  Eða skoðanamótun almennt?  Mega strákar á efsta stigi vera í sokkum með myndum af maríhuanablöðum á? Eigum við að sterilisera skólastarf eða eigum við að treysta þeim til að velja?

Flott orð þetta ´innræting´,  tengist einhvernvegin ´rætinn´og ´rót´ og gefur næstum það til kynna að bara við að heyra sálm í kirkju séu börn heltekin uppfrá því.  Þar fór þessi frjálsi vilji fyrir lítið.
Linda - spáðí´essu!