Jafnrétti = lögskipuð einsleitni?

Nú býð ég spenntur eftir því að feministar allra landa sameinist og fordæmi þessa frelsissviptingu konunnar.  Því ekki aðhyllumst við einsleitni kynjanna heldur sjálfsákvörðunarrétt konunnar yfir eigin lífi … ekki satt?

Eða var það ekki?

Banna stelpum að klæðast pilsum

Athugasemdir

[Austmann,félagasamtök, 2.8.2013 kl. 10:33]

Ég veit ekki með Bretland, en á Íslandi styðja femínistar (þær öfgafyllstu) einmitt ekki sjálfsákvörðunarrétt kvenna, heldur vilja þær (öfgafemínistarnir) ráða því hvaða sjálfsákvarðananir aðrar konur taka.

[Ingibjörg Axelma Axelsdóttir, 2.8.2013 kl. 10:58]

Skólabúningar hafa aldrei verið háðir sjálfsákvörðunarrétt krakkanna. Þeim er skylt að ganga í þessum búningum, strákar í skyrtu og buxum, stúlkur í pilsum og blússu.

Satt best að segja held ég að feministar fagni þessu frekar en að fordæma, enda ekki allar stúlkur (þ.m.t. ég) sem kæra sig um pils og kjóla.

[Ragnar Kristján Gestsson, 2.8.2013 kl. 14:36]

@ Ingibjörg Axelma: En ertu ekki þarna komin á skjön við þig sjálfa? Þarna sýnist mér þú vilja lögskipa krakkana inn í eitthvað mót - einmitt það sem femistar berjast gegn. Eða hvað? Þannig að það er ekki mótið (andstæðan við frelsið) sem þú sækist eftir heldur bara hvaða annað mót en gildandi mót?

Ég skil síðan ekki þessa óvild gagnvart kynjum - ertu að mæla fyrir afkynjunni sem genderumræðan hótaði hér um árið? 

[Ingibjörg Axelma Axelsdóttir, 2.8.2013 kl. 18:04]

Ég sagði hvergi að þetta væri eitthvað sem ég fagnaði sérstaklega. :)

Hinsvegar sagði ég að valfrelsi barnanna væri óbreytt, og það eina sem breytist er búningurinn. Krökkunum er enn skylt að ganga í skólabúningum.

Ena svona úr því að þú biður mig um mitt persónulega álit, þá þætti mér ekkert sjálfsagðara að stúlkurnar (og drengirnir) fengju að velja á milli pils og buxna.

Ég myndi sjálf velja buxur.

Hvað varðar óvild í garð kynjanna, þá er hún ekki til staðar hjá mér, og mér þykir það miður ef þú hefur skynjað slíkt út frá fyrri athugasemd minni.

Fólk er jafn mismunandi og það er margt, óháð kyni, og fjölbreytileika ber að fagna.