Hvað drepur býflugur?

Það var einu sinni haft eftir Albert Einstein að ef býflugur hyrfu af yfirborði jarðarinnar ættu mennirnir ekki nema 4 ár eftir ólifuð.  Engar býflugur, engin frjóvgun ... ekkert mannkyn.  Enda þótt það sé eitthvað á reiki hvort það hafi verið Albert sjálfur eða einhver annar sem hafi í raun sagt þetta breytir það engu um hættuna sem mannkynið stendur frammi fyrir við dauða býflugnanna.  í raun hefur dauði býflugnanna verið rakinn til margra ólíkra hluta sem ógna umhverfi okkar og náttúru: hnattrænnar hlýnunar, skortdýraúðunar og ekki síst geislunar vegna GSM mastranna.  Hvet ykkur til að skoða síðuna bloggað um rafsegulmengun þegar fram líða stundir.

En býflugurnar sjá um mest alla frjóvgun jurta og án þessarar frjóvgunar þarf að grípa til einhverra annarra leiða.  En þetta ætti að kveikja einhvern ótta í brjóstum þeirra sem þekkja lykilhlutverk býflugna í vistkerfum heimsins.  En ef við veltum fyrir okkur þessum þáttum sem eru taldir orsaka dauða býflugnanna þá eru ofangreindir þeir sem oftast eru nefndir - allir eiga þeir rætur að rekja til okkar mannanna á einn eða annan máta.  Gott og vel, hnattræn hlýnun er eða er ekki orsökuð af brambolti mannanna á plánetunni bláu en örugglega hinir tveir þættirnir.   

Dularfullur býflugnadauði

Athugasemdir

[Ragnar Kristján Gestsson, 12.2.2011 kl. 21:47]

Rakst á aðra grein frá apríl 2007 um þetta hérna.  Virðist vera stórt vandamál þarna fyrir 4 árum sem virðist ekki hafa minnkað.

[Bjössi (IP-tala skráð) 13.2.2011 kl. 16:31]

Mig minnir að ég hafi séð grein um rannsókn á þessum dularfulla flugudauða sem er ekki eins gömul það sem þú vitnar í, sennileg fá því fyrra eða árið áður, og niðurstað hennar var að sennilega mætti rekja þetta svotil eingöngu í einhvern örsvepp sem þrífst sem sníkill á sólblómum og mais, verst að ég man ekki hvar ég sá þetta , en man að þar var einnig talað um að aðgerðir til að vernda búin við þessu hefðu virkað á því svæði sem rannsóknin náði til.  Auðvitað má segja að  þetta tengist manninkyni , þar sem ræktun á  þesssum jurtum er eingöngu stunduð af einhverjum hluta þess, en ég læt mér svo sem detta í hug, þar sem það var allaveg fyrir nokkrum árum mikill vöxtur í atvinnugreininni, að þessi miklu afföll gætu verið til komin l vegna á nýrri búa sem hafi verið sett niður við í umhverfi sem þar sem þessi sveppategund þrífst vel, og það endurspeglist í tölfræðinni, þ.e.s ef þessi niðurstaða áðunefndrar  rannsóknar sýnir sig að vera marktæk.