Þvílík landkynning!!!

Nú þarf enginn að kvarta lengur yfir því að Ísland sé ekki inni á heimskortinu.  Ef við látum það einu gilda hvers eðlis kynningin er getum við fallist á að vera þegar best lætur daglega milli tannanna á fólki.  Nú fara líka allir (og amma hans) að leita leiða  til að pranga einhverju inná þetta ferðamannahlaup sem öll þessi gos hljóta að bræða og hleypa síðan fram þegar aftur er fært til landsins.

Er einmitt að lesa Draumalandið hans Andra Snæs þessa dagana (mæli eindregið með því að lesa þessa sjálfshjálparbók handa hræddri þjóð - oft var þörf...) og svo ég vitni (bls 131): „Þegar alger kreppa ríður yfir kemur oft eitthvað í staðinn, samtakamáttur fólksins losnar úr læðingi, valdakerfi riðlast og gömul goggunarröð breytist.  Alger kreppa eða algert hrun getur verið forsesenda uppstokkunar og umbreytinga.“ 

Þetta er einmitt málið, leita sér upp möguleikana í stöðunni, finna sóknarfærin, allar stöður hafa einhverja jákvæða og spennandi fleti.  En endilega velja sér fjárfestana MJÖG gaumgæfilega (t.d. er nafnið í skýrslunni?)

Ísland ofarlega í huga ferðalanga

Athugasemdir

[Sigurður Haraldsson, 16.4.2010 kl. 22:25]

Samála við þurfum hugafarsbreytingu hvorki meira né minna til að ná okkur upp úr kreppunni.

[Vendetta, 16.4.2010 kl. 22:33]

Það sem stakk mig í augun í þessari frétt var:

"Hefur það jafnvel gengið svo langt að starfsmenn framkvæmdastjórnar Evrópusambandsins hafa fengið heimild til þess að leita leiða til þess að komast á áfangastaði sína svo lengi sem verðið sem greitt er fyrir ferðalagið sé innan skynsamlegra marka."

Þessir starfsmenn, alveg eins og þingmenn Evrópuþingsins, hafa aldrei átt erfitt með að finna dýrar leiðir til að ferðast á reikning evrópskra skattborgara, svo að ég efast um að "skynsamleg mörk" sé það sem almenningur leggur í það hugtak. Ég gæti trúað, að mörkin fyrir þessa starfsmenn liggi við það að kaupa nýjan Hummer-limmó og henda honum eftir viku eða taka heila hraðlest á leigu fyrir sig og aðstoðarmann sinn.

[Finnur Bárðarson, 16.4.2010 kl. 22:56]

Best væri að við hefðum enga kynningu

[Ragnar Kristján Gestsson, 17.4.2010 kl. 07:29]

@Sigurður: Fínt, hefjumst þá handa, hvað ætlar þú að gera og hvað á ég að gera?

@Vendetta: Já, rétt hjá þér, þarna gæti ég trúað að eimi töluvert eftir af þeirri hugsun sem kom okkur í klandrið til að byrja með.

@Finnur: of seint að spá í því núna, en við getum (og verðum) spilað úr þeim spilum sem við höfum fengið.