Þjóðaratkvæðareynsluboltinn Jóhanna og stolnar fjaðrir

Ja heyr á endemi, þegar ekki eru nema 2 dagar liðnir frá því að forsætisráðherra hunsaði mikilvægustu þjóðaratkvæðagreiðslu frá stofnun lýðveldisins Íslands, er hún farin að þykjast vilja nota þessa leið fyrir land sitt og þjóð.  Heitir þetta ekki að skreyta sig með stolnum fjöðrum?

Næst fiskveiðistjórnunarkerfið í þjóðaratkvæði?

forsætisráðherrann burt

Hversu lengi er það þolandi að hafa manneskju í forsvari lýðræðisþjóðar sem forsmáir grunnstein lýðræðisins: vilja fólksins, á þennan máta.  Ekki bleyða heldur hreinlega rangsýn.  Dregur úr, ruglar, hvetur fólk til að fylgja sínu fordæmi og sitja heima!  Kannski hún hafi skilið en segi ekki að meðfram þessari kosningu er kosið um líftíma ríkisstjórnarinnar hennar.  Þetta er EKKI flokkspólitískt mál sem hægt er að afgreiða með því að tala um stjórnarliða og stjórnaandstöðu - þetta er mál sem varðar spillingu og valdníðslu, stjórnmálamenn sem eru löngu hættir að skilja hlutverk sitt sem þjóna fólksins sem kaus það, bankamenn sem fengu að starfa óáreittir í skjóli þessarar spillingar og síðast og ekki síst: þetta er mál sem fjallar um þjóð sem hafnar þessum framgangsmáta og heimtar réttlæti.  þjóðin fylkir liði á kjörstað á laugardaginn og merkir X við NEI. 

 

Jóhanna ætlar ekki á kjörstað

kaus áðan: X-NEI

Kaus áðan utankjörstaðar og skammast mín ekkert fyrir að segja ykkur hvað.  Ég setti X-ið mitt við NEI.  Og eins og Ólafur Elíasson Indefencemaður furða ég mig reyndar líka heilmikið á ummælum Gylfa ráðherra (!) sem virðist ekki hafa skilið hvað lýðveldið Ísland er merkilegur hlutur.  Og verðmætur.  Og þess virði að berjast fyrir.  Og ég hvet alla til að skoða það ofan í kjölinn hvort þessi samningur frá því í fyrra sé þess virði að púkka uppá hann.  Eins hvort ekki sé eins komið fyrir þessari ríkisstjórn.

Atkvæðagreiðslan undirbúin

Þjóðaratkvæði í ljósi fullvissu

Að sjálfsögðu er staðan óljós en til þess kjósum vér.  Svo við rifjum upp þá atburðarrás sem kom okkur hingað:  Jóhanna og Steingrímur samþykktu fyrir sitt leiti að 5,5% vextirnir ofaná ICESLAVE skuldirnar væru viðsættanleg leið fyrir íslenska ríkið.  Því mótmælti þjóðin og forseti neitaði líka staðfestingu (hóf að reka af sér slyðruorðið).  Hvað gerist núna er óljóst EN þegar við stöndum saman sem þjóð þá getum við boðið hvaða þjóð sem er byrginn.  Ekki í nafni sjálfbyrgingsháttar heldur í nafni réttlætis.

Þjóðaratkvæði í skugga óvissu

Fíkniefni orsaka lögbrot!

Halda menn virkilega að svona fréttum muni fækka ef slakað er á lögum og reglum um fíkniefni?  Í flestum þeim tilfellum sem ég þekki til veldur notkun eiturlyfja stórfelldum dómgreindarskorti sem er náttúrulega aðal ástæða þess að þessi efni eru á bannlista allra siðmenntaðra þjóða. 

Óku undir áhrifum fíkniefna

Við kjósum: NEI

Þetta er reyndar merkileg kosning enda mjög verðmæt niðurstaða sem fæst með þessu móti um sorglega stöðu ríkisstjórnarinnar sem hefur undangengna 15 mánuði vægast sagt haldið illa á spilunum og skriðið æ ofan í æ fyrir umsemjendum breta og hollendinga.  Allir á kjörstað og kjósum NEI

74% gegn Icesave-lögum

þvílík forréttindi

Já, þvílík forréttindi að fá að halda á barnabarnabarnabarnabarninu sínu!  Að fá að sjá til hvers maður hefur verið að þessu allan tímann.  Að fá að sjá ávöxt andvökustunda yfir veiku barni og gráti í föðurfaðmi.  Til hamingju

Sex lifandi ættliðir þar sem flestir eru í karllegg er sennilega einsdæmi

Mjög spennandi mynd

Þessa er ég búinn að sjá - fær toppeinkunn.  Þarna er líka kannski að finna bestu ádeilu á íslenskt samfélag í dag sem ég hef séð lengi - bara með ljósi einfalds samanburðar.  Þorsteinn og Vera: til lukku með gott portrett af þeim þremenningum.

Ókeypis í bíó á netinu

Blaðamenn í útrýmingahættu?

Kannski er viss áhætta að tauta þetta um blaðamenn á bloggi sem rekið er af dagblaði.  En það dagaði uppyfir mér að á Íslandi er ekki mikil áhætta að vera blaðamaður.  Annað tveggja ertu undir handleiðslu og verndar 365 eða kolkrabbans.  Og þar sem þessi tvær klíkur (e. syndicates) berjast bara með vopnum sem firra menn ærunni en ekki lífinu má segja að það sé ekki lífsnauðsyn fyrir blaðamenn að segja sannleikann.  En það hefur seint og snemma verið helsta vandamál blaðamanna (þ.e. sumra) að þurfa sífellt að grafa upp sannleikann.  Dettur t.d. í hug þá félaga Woodward og Bernstein sem komu Nixon á hné á sínum tíma. 

70 blaðamenn létust við störf sín

This Connection is Untrusted

Athyglisvert en jafnframt sorglegt hvernig hafa fréttir af fjárhættuspilum verið að aukast undanfarið.  Fótboltabræðurnir (KSÍ?) með spilavítin og vöðvabúntin í pókernum.  Einhverstaðar eimir enn eftir af þessari óskhyggju að fá mikið fyrir lítið sem var grundvallarhugsun þess tímabils sem var kennt við 2007.  En öll heilbrigð skynsemi mælir á móti þessu. Meira að segja browserinn minn (Firefox) segir allt samband við Betson vera ótraustvekjandi. 

Póker auglýstur á barnasýningu