Trjáleysi í boði Eimskipa

Ég heyrði það í útvarpinu (veit einhver hvaða stöÐ) að ástæða þess að Norðmenn tækju þessa afstöðu væri viljaleysi Eimskipa til að flytja tréð ókeypis.  Af hverju er þá allir að níðast á frændum vorum í stað þess að skila köldum jólakveðjum HINGAÐ?

Eigum fallegri grenitré sjálf

Víst er blaðamennska glæpur

Víst er blaðamennska glæpur eins og hún birtist okkur á vesturlöndum á hverjum degi.  Það er glæpur að birta athugasemda- og gagnrýnilaust fréttatilkynningar frá Reuters og Co án þess að lifta litlafingri til að skoða hina hliðina.

Mörg dæmi þess um það hversu blaðamennska sé glæpur er að finna í Úkraínudeilunni, Sýrlandi, USrael, Libýu og mjög miklu víðar.  Blaðamennska sem gengur út á að útmála málstað annars deiluaðilans og hvetja þarmeð til styrjaldar - er glæpamennska.

Fjölmargir munu líka áfram verða drepnir vegna þess að hvorki kæra fjölmiðlar sig um að fjalla um hlutina hlutlaust né án hagsmunaþrýstings frá eigendum blaðanna /stjórnvöldum /alþjóðasamtökum.  

Fölmargir munu líka áfram verða drepnir vegna þess að í stað þess að ráða blaðamenn sem þora að lyfta steinum í leit sinni að ´sannleikanum´ - þá horfa þeir með blinda auganu og fylgja straumnum (mainstream).

Og þetta blóð rennur um fingur blaðamannastéttarinnar með örfáum undantekningum.  Og þegar fjölmiðlasamtök taka sig saman í sérhagsmunagæslunni er það náttúrulega ... frábært.

Skoðið hlekkinn hér að ofan

Blaðamennska er ekki glæpur

Obama í útrás/innrás

Af hverju treystir fólk ríkisstjórn Bandaríkjanna?
Við teljum okkur búa í lýðræðislegu samfélagi.  Finnst okkur þetta vera eðlileg samskipti lýðræðislegs samfélags við nágranna sína?  Og nú er ég ekki bara að horfa á samskipti USA og Kúbu heldur líka t.d. USA og Íslands (afskipti Obama af hvalveiðum okkar) eða ef út í það er farið: USA og hvaða lands sem er í heiminum (Ofarlega í huga mér eru málefni Sýrlands, Lýbíu, Úkraínu ofl.)

Og af hverju er þett hjá Mbl undir dálknum ´Tækni og vísindi´?  Af hverju ekki undir dálknum ´Alþjóðastjórnmál´ eða ´Utanríkismál/alþjóðamál´???
Er það vegna aðdáunar blaðamanns á möguleikum tækninnar umfram yfirtroðslu lýðræðisins?  Spyr sá sem ekki veit.

Nota Twitter til að grafa undan Castro

Lýðræði ... sjá Krímskaga

Verst að þeir standa ekki utan ESB.  Þá hefðu USA, NATO og ESB komið, hunsað lýðræðið og fordæmt aðgerðir Katalóníu, tekið undir yfirlýsingar Spánar að þjóðaratkvæðagreiðslan sé ólögleg og hafið efnahagsþvinganir í garð Catalóníumanna.  Arthur Mas forseti hefði einungis getað leitað til Frakklands og þá kannski á náðir öfgahægrimanna í Marseille, Marine Le Pen og co í FN, og þannig risið upp fasísk stjórn í Catalóníu að hætti Úkraínu. Upp hefðu risið hópar eins og Svoboda sem hefðu risið hratt upp til valda og komið undir sig fjölmiðlunum á Spáni með ofbeldi.

Þegar Hollywood hefði síðan seinna bjagað atburðarásina hefði Banderas kannski leikið Mas ...

Visca la democràcia.

Þjóðaratkvæðið ólögmætt

Ósammála Mbl.

Ég er því miður einn þeirra sem get ekki enn náð í myntina en ég er þess fullviss að hún getur nýst í daglegum viðskiptum eins og hver önnur vöruskiptamynt.  Og af hverju ekki.  Við íslendingar erum þar að auki orðnir býsna sjóaðir í gjaldeyrissveiflum og köllum ekki allt ömmu okkar. 

5.000 búnir að sækja auroracoin

virkar ekki :(

Er ekki á Facebook og þeir samþykkja ekki gemsann hjá mér

Ekkert Auroracoin fyrir mig

Byrjað að útdeila auroracoin

Baráttan gegn lýðræðinu á Krímskaga

Já henni ætlar seint að linna, baráttunni gegn lýðræði. 80% kosningaþátttaka á Krímskaga, 92% þjóðarinnar láta vilja sinn í ljós (án þvingana).

Lýðræði, -is h, stjórnarfar, þar sem almenningur hefur (með kosningarétti) úrslitavald í stjórnarfarsefnum: lýðræðis|flokkur, -land, -þjóð.

 (Orðabók Menningarsjóðs, 1980)

Já margt hefur breyst frá því þessi bók var skrifuð, líklega stendur í nýjustu orðabókinni við lýðræði:

Lýðræði, is h, stjórnarfar þar sem almenningur segir skoðun sína en úrslitavaldið hafa þær þjóðir sem geta í krafti peninga og valda þvingað fram niðurstöðu sína og með dyggri aðstoð fjölmiðla í þeirra stjórn.  Samheiti í ensku: Oligarchy, Plutocracy.

Kemur til greina að reka Rússa úr G8

Hryðjuverk "friðsamlegra" mótmælenda

Merkileg þessi mótmæli sem voru í Kiev og voru fordæmd útum allt.  Í ljós kom að stjórnarandstæðingar (núverandi ríkisstjórn) var með leyniskyttur á sínum vegum og skaut á báðar fylkingar (sjá frétt RÚV um málið hér).  Fréttamiðlar útum allt tóku málið upp á sína arma og núna virðist sama sagan vera á ferðinni á Krímskaganum, mainstream fjölmiðlar búnir að djöfulgera Putin og hefja fasísku byltingarstjórnina upp í dýrlingatölu.  Og það heyrist varla önnur rödd. (Nema kannski Voice of Russia sem telst nú kannski nett hlutdræg í deilunni)

En hérna er textað myndband af Kíevmótmælunum sem hefur fengið gríðarmikla skoðun - og ekki að ástæðulausu.  

Ofbeldisfullir útrásarvíkingar

Nú er þjóðin í óða önn að endurskilgreina orðið ´ofbeldi´ fyrst Gunnari gengur svona vel í MMA.  Því hefur jafnvel verið fleygt að þetta sé fögur íþrótt og beri helst að líkja saman við glímu og júdó.  Og að berja einhvern með krepptum hnefa í andlitið svo springi fyrir sé kannski eðlileg keppnisíþrótt og vel til þess fallin að börn iðki hana af fullum krafti.  Kannski jafnvel PISA-hæf? 

 Ég held að enginn efist um að Gunnar sé verðugur iðkandi íþróttarinnar en það breytir í mínum huga engu um að MMA er ofbeldisfull íþrótt.  Þar etja tveir kappi og markmiðið er að hafa andstæðinginn undir.  Og til þess eru flest það leyfilegt sem manni getur dottið í hug.  Útrás þessara víkinga er þjálfa sig til þess að ráðast á annað fólk og lemja það uns það gefst upp.  Eins og maðurinn sagði: „þetta er bara keppnisíþrótt“.  Nema keppnin og markmiðið er að meiða andstæðinginn líkamlega svo mikið að hann annað tveggja, liggi í öngviti eða gefist upp.  Lemja hann liggjandi í gólfinu með olbogunum.  Í fullum drengskap.

Að sjálfsögðu verja iðkendur „sportsins“ sitt, nýverið frétti ég af grunnskólapiltinum sem iðkaði sportið tækvondó af miklu móð.  Keppti og sýndi.  En strákur var ekki í nægu jafnvægi og síðan þegar honum lenti saman við samnemendur sína (gjarnan yngri) fullyrti hann (raunar líka bæði þjálfarinn hans og mamma) að hann notaði ekki tækvondó högg og spörk heldur öðruvísi högg og sport og því væri það fullkomlega eðlilegt og jákvætt að halda iðkun „íþróttarinnar“ áfram.  Og hann hélt óáreittur áfram.  Bæði athæfi sínu í skólanum og í gimminu.  Enda sjálfsagt drengur góður.

Mér datt í hug í þessu samhengi þegar frakkinn Zidane skallaði Materazzi HM2006, í því ferli finnst mér þessi munur hafa komið hvað skýrast í ljós - munurinn á íþróttinni og ofbeldinu.

„Þetta er ekki ofbeldi“

Fölsuð frétt

Í ljósi nýorðinna uppljóstrana þykir er auðsætt hve SKY fréttastöðin hefur flutt bjagaðar fréttir.  Samt hafa fjölmiðlar haft þetta eftir út um allan heim - gagnrýnislaust.  Og þar á meðal mbl.is

Er ekki kominn tími til að neytendur fjölmiðlunar krefjist gagnrýnnar pressu?

Leyniskyttur miða á mótmælendur