Staða íslenskrar myndlistar?

Að mörgu leiti skemmtilegt rými og sjálfsagt heilmikil white cube stemning þarna möguleg.  Hugrenningartengsl ögn neðanbeltisleg sem er kannski bara framhald af stöðu menningarinnar: útrás hins innétna.  Kannski hægt að bjóða t.d. belganum Wim Delvoye að ríða á vaðið þarna...

Náðhúsi breytt í listagallerí

Hagsmunir Bandaríkjanna

„Obama sagði, að hver sá sem ógni hags­mun­um Banda­ríkj­anna ætti sér eng­an griðarstað.“

Er ekki kominn tími til að við ræðum ögn um hagsmuni Bandaríkjanna versus annarra landa?  Og hvað ef hagsmunir þeirra skarast við okkar?  Kannski ögn eins og hefur gerst núna tvívegis undanfarin 40 ár milli okkar og Breta.  Eigum við okkur þá engan griðastað?  Og hvað þýðir það praktískt?  NSA og drónar? Loftárásir?  Nato?

Vona svo sannarlega að þessi ummæli hafi aukist svona í Mbl-þýðingunni.

Rússar aðvara Bandaríkjamenn

Breedlove => Breedwar

Legg til að Breedlove verði aldrei kallaður annaði í opinberri umræðu en Breedwar.  Og öll stríðsæsingaröflin fá nafnabreytingar í stíl. 

Rússar ekki lengur samherjar

Verndum frelsi Internetsins - www.battleforthenet.com

Ha, bara svoleiðis?

Er ég að skilja þetta rétt, að fá sér rafræn skilríki í farsímann sinn er skilyrði þess að lánin verði leiðrétt???
Þannig að ef þú ert ekki með farsíma færðu enga leiðréttingu þinna mála?
Ef þú ert með það gamlan síma að þú getur ekki notað rafrænu skilríkin - þá færðu enga leiðréttingu þinna mála?
Hvernig er það eiginlega, ráða bankarnir öllu hér?

Rafræn skilríki í símanum

Barcelona og Selfoss

Í Barcelona er fólk komið upp í kok af allsberu fólki, kalla það óværu en á Selfossi sést svo lítið af því að það er fenginn kynlegur fræðingur úr Reykjavík til að sýna fermingarbörnum það sem spánverjar vilja losna við að sjá.  Eru við svona hispurslaus og ofboð frjálslynd, og spánverjarnir forpokaðir og gamaldags?  Eða hvað?

Ekki fleiri drukkna og nakta ferðamenn takk fyrir

ehemm - aðskilnaðarsinnar!

Svo alls réttlætis sé gætt og jafnt gangi yfir alla -  er ekki fordæmi fyrir því að kalla þá aðskilnaðarsinna sem vilja sjálfstæði sitt?  Sjálfstæðissinnar hefur yfir sér yfirbragð samþykkis og virðingar. Af hverju er fjallað svona ólíkt um þessi keimlíku mál?

Nú verða kosningar þann 18. sept um hvort Skotar eigi að vera hluti Bretlands áfram eða stofni sjálfstætt ríki.  Ætli þeir eigi von á viðlíka mótttökum og Krímskagarússar sem voru með svipaðar kröfur.  Sér í lagi ef þeir vildu vera utan ESB og jafnvel taka upp stjórnmálasamband við t.d. Kína.  Því mættu þeir allt eins eiga von á að breska heimsveldið sýni tennurnar. 

Sjálfstæðissinnar sækja á í Skotlandi

Mesta ógnin við heimsfriðinn

Oft kemur mér það þannig fyrir sjónir að útþenslustefna Bandaríkjanna og þörf þeirra fyrir bjarga verðlausum gjaldmiðlinu sínum vera mesta ógn við heimsfriðinn sem heimurinn hefur staðið frammi fyrir.

Þeir stóðu að baki valdaráninu í Úkraínu og styðja þau stjórnvöld með vopnum og peningum.  Þeir sjá Ísrael (USrael) endalaust fyrir vopnum og peningum.  Írak, Sýrland og NSA, ACTA, CISPA, Guantananamo og Bagram.  Eins og einhver sagði: þurfum við eitthvað að ræða þetta?

Og síðan þegar til stendur að útmála IS (fyrrv. ISIS) sem ógn við heimsfrið USA hættir mér til að "follow the money trail" og velta vöngum fyrir því hverjir standi raunverulega að baki IS. 

Mesta ógn Bandaríkjanna

Gylfi og tjáningafrelsi samkynhneigðra

Grand af hinsegin dögum að bjóða rödd Gylfa velkomna á hátíðina.  Hans rödd hefur nefninlega verið kefjuð í umræðunni og nokkuð sem mér fannst alltaf vera að nauðsynjalausu.  Hans rödd var nefninlega gríðarlega mikilvæg og órættmætt að dæma hana sem hatursáróður.  Það stríðir t.d. líka gegn minni siðverðisvitund að láta börn horfa á fólk sjúga súkkulaðityppi með ögrandi tilburðum.  Ef mig minnir rétt var það einn grundvöllurinn að ákærunni hans Gylfa.   Ég trúi því að kyn- og klámvætt samfélag skapi spennu sem rýrir ró og gæði samfélagsins, eykur vandamálin frekar en að draga úr þeim.  Og kannski mætti skjóta því að orðið ´fordómar´er rangt orð yfir mína skoðun.

Ef Gylfi er rödd einhvers hóps (fjölmenns/fámenns?) þá verður að leysa úr þeirri togstreitu sem kemur þarna upp.  Í samfélagi sem kennir sig við lýðræði verður að finna leiðir til að bera klæði á vopnin og leita leiða þar sem allir lifa sáttir.  Það að Gylfi sé tekinn fyrir á opinberum vettvangi og rödd hans smættuð og gagnrýnd er óþolandi í samfélagi sem lætur sig tjáninga- og málfrelsi einhverju varða.  Jafnvel og sérstaklega þegar röddin skarast á við manns eigin skoðanir.  Því að á nákvæmlega sama máta og rödd samkynhneigðra fær að gjalla, eins þurfa allar raddir að heyrast.

Gylfi Ægis velkominn á Gay Pride

En hvar er auroracoin statt?

Hvar er annars íslenska rafmyntin stödd?  Nú hlóð ég henni niður en velti fyrir mér hvað ég eigi að gera við hana?  Bý raunar utan höfuðborgarsvæðisins sem gæti útskýrt að hvergi sé ég staði sem auglýsa að þeir taki við henni.  Eins og ég er/var spenntur fyrir að taka þátt í þessu hagkerfi og koma veltu af stað.

Selur flugfargjöld fyrir bitcoin