Lýðræði ... sjá Krímskaga

Verst að þeir standa ekki utan ESB.  Þá hefðu USA, NATO og ESB komið, hunsað lýðræðið og fordæmt aðgerðir Katalóníu, tekið undir yfirlýsingar Spánar að þjóðaratkvæðagreiðslan sé ólögleg og hafið efnahagsþvinganir í garð Catalóníumanna.  Arthur Mas forseti hefði einungis getað leitað til Frakklands og þá kannski á náðir öfgahægrimanna í Marseille, Marine Le Pen og co í FN, og þannig risið upp fasísk stjórn í Catalóníu að hætti Úkraínu. Upp hefðu risið hópar eins og Svoboda sem hefðu risið hratt upp til valda og komið undir sig fjölmiðlunum á Spáni með ofbeldi.

Þegar Hollywood hefði síðan seinna bjagað atburðarásina hefði Banderas kannski leikið Mas ...

Visca la democràcia.

Þjóðaratkvæðið ólögmætt

Ósammála Mbl.

Ég er því miður einn þeirra sem get ekki enn náð í myntina en ég er þess fullviss að hún getur nýst í daglegum viðskiptum eins og hver önnur vöruskiptamynt.  Og af hverju ekki.  Við íslendingar erum þar að auki orðnir býsna sjóaðir í gjaldeyrissveiflum og köllum ekki allt ömmu okkar. 

5.000 búnir að sækja auroracoin

virkar ekki :(

Er ekki á Facebook og þeir samþykkja ekki gemsann hjá mér

Ekkert Auroracoin fyrir mig

Byrjað að útdeila auroracoin

Baráttan gegn lýðræðinu á Krímskaga

Já henni ætlar seint að linna, baráttunni gegn lýðræði. 80% kosningaþátttaka á Krímskaga, 92% þjóðarinnar láta vilja sinn í ljós (án þvingana).

Lýðræði, -is h, stjórnarfar, þar sem almenningur hefur (með kosningarétti) úrslitavald í stjórnarfarsefnum: lýðræðis|flokkur, -land, -þjóð.

 (Orðabók Menningarsjóðs, 1980)

Já margt hefur breyst frá því þessi bók var skrifuð, líklega stendur í nýjustu orðabókinni við lýðræði:

Lýðræði, is h, stjórnarfar þar sem almenningur segir skoðun sína en úrslitavaldið hafa þær þjóðir sem geta í krafti peninga og valda þvingað fram niðurstöðu sína og með dyggri aðstoð fjölmiðla í þeirra stjórn.  Samheiti í ensku: Oligarchy, Plutocracy.

Kemur til greina að reka Rússa úr G8

Hryðjuverk "friðsamlegra" mótmælenda

Merkileg þessi mótmæli sem voru í Kiev og voru fordæmd útum allt.  Í ljós kom að stjórnarandstæðingar (núverandi ríkisstjórn) var með leyniskyttur á sínum vegum og skaut á báðar fylkingar (sjá frétt RÚV um málið hér).  Fréttamiðlar útum allt tóku málið upp á sína arma og núna virðist sama sagan vera á ferðinni á Krímskaganum, mainstream fjölmiðlar búnir að djöfulgera Putin og hefja fasísku byltingarstjórnina upp í dýrlingatölu.  Og það heyrist varla önnur rödd. (Nema kannski Voice of Russia sem telst nú kannski nett hlutdræg í deilunni)

En hérna er textað myndband af Kíevmótmælunum sem hefur fengið gríðarmikla skoðun - og ekki að ástæðulausu.  

Ofbeldisfullir útrásarvíkingar

Nú er þjóðin í óða önn að endurskilgreina orðið ´ofbeldi´ fyrst Gunnari gengur svona vel í MMA.  Því hefur jafnvel verið fleygt að þetta sé fögur íþrótt og beri helst að líkja saman við glímu og júdó.  Og að berja einhvern með krepptum hnefa í andlitið svo springi fyrir sé kannski eðlileg keppnisíþrótt og vel til þess fallin að börn iðki hana af fullum krafti.  Kannski jafnvel PISA-hæf? 

 Ég held að enginn efist um að Gunnar sé verðugur iðkandi íþróttarinnar en það breytir í mínum huga engu um að MMA er ofbeldisfull íþrótt.  Þar etja tveir kappi og markmiðið er að hafa andstæðinginn undir.  Og til þess eru flest það leyfilegt sem manni getur dottið í hug.  Útrás þessara víkinga er þjálfa sig til þess að ráðast á annað fólk og lemja það uns það gefst upp.  Eins og maðurinn sagði: „þetta er bara keppnisíþrótt“.  Nema keppnin og markmiðið er að meiða andstæðinginn líkamlega svo mikið að hann annað tveggja, liggi í öngviti eða gefist upp.  Lemja hann liggjandi í gólfinu með olbogunum.  Í fullum drengskap.

Að sjálfsögðu verja iðkendur „sportsins“ sitt, nýverið frétti ég af grunnskólapiltinum sem iðkaði sportið tækvondó af miklu móð.  Keppti og sýndi.  En strákur var ekki í nægu jafnvægi og síðan þegar honum lenti saman við samnemendur sína (gjarnan yngri) fullyrti hann (raunar líka bæði þjálfarinn hans og mamma) að hann notaði ekki tækvondó högg og spörk heldur öðruvísi högg og sport og því væri það fullkomlega eðlilegt og jákvætt að halda iðkun „íþróttarinnar“ áfram.  Og hann hélt óáreittur áfram.  Bæði athæfi sínu í skólanum og í gimminu.  Enda sjálfsagt drengur góður.

Mér datt í hug í þessu samhengi þegar frakkinn Zidane skallaði Materazzi HM2006, í því ferli finnst mér þessi munur hafa komið hvað skýrast í ljós - munurinn á íþróttinni og ofbeldinu.

„Þetta er ekki ofbeldi“

Fölsuð frétt

Í ljósi nýorðinna uppljóstrana þykir er auðsætt hve SKY fréttastöðin hefur flutt bjagaðar fréttir.  Samt hafa fjölmiðlar haft þetta eftir út um allan heim - gagnrýnislaust.  Og þar á meðal mbl.is

Er ekki kominn tími til að neytendur fjölmiðlunar krefjist gagnrýnnar pressu?

Leyniskyttur miða á mótmælendur

En EU er vondi kallinn ...

Oft sýnist mér vestrænir fjölmiðlar einskorða fréttaflutning sinn við þýðingar á fréttaskeytum frá Reuters.  Er það miður að svo lítill áhugi sé til að komast að því hvað er í raun í gangi.

En fyrst lítill áhugi er á að skoða eitthvað niður fyrir yfirborðið verðum við að bera okkur eftir björginni. Við lestur rússnesku fréttasíðunnar voiceofrussia.com birta þeir á síðunni frétt af tengslum Vitali Klitsjkó við ESB (á ensku) og hvernig hann hefur þegið styrki til að uppfylla væntingar ESB. 

Er þetta ekki það sama og USA hefur gert gegnum tíðina til að „lýðræðisvæða“ ríki - koma af stað borgarastyrjöld (skapa óstöðugleika) og koma síðan og „bjarga“ auðlindum landsins í eigin þágu? Deilum og drottnum.

En kannski hef ég rangt fyrir mér - lesið sjálf:
Og heimildir Voice of Russia eru Úkraínudeild Anonymus hópsins (líka á ensku)
Hérna er síðan þeirra.
þarna stendur:

„The content of these letters shows how Western countries finance and control Vitali Klitschko through intermediary of Lithuanian government.“

Snýst þessi deila fyrst og fremst um einhverskonar post-kaldastríðs átök milli austurs og vesturs um ítök á aðliggjandi löndum?  Þar sem undirróður og rógur er OK vegna þess að tilgangurinn helgar meðalið?  Og flestir fjölmiðlarnir (frjálsir og óháðir - einmitt) dansa einhliða með með vegna þess að enginn þar innanborðs leitar út fyrir þægindarammann.

En góðan lestur!

Frysta eignir Úkraínumanna

Ótrúlegar fréttir af átroðslu fullveldis.

Á sama tíma og í ljós kemur að á bak við meint ódæði Janúkovitsjs standa EU dindlarnir Klitsjkó og Tímósjenkó, heldur EU áfram verkefni sínu að þjarma að Rússlandi og lýðræðinu í Úkraínu.  Hver er það í raun sem fótum treður fullveldi Úkraínu?  Er það EU sem hefur látið fé streyma til stjórnarandstæðinga?

Enn er ekki komin frétt um það inn á mbl.is 08:20 hvernig málin voru í raun.  Hinsvegar stendur gamla RÚV sig:

„Grunur leikur á að leyniskyttur sem myrtu tugi manna í Kænugarði á dögunum hafi verið á snærum stjórnarandstæðinga, ekki Janukovitsj forseta. Þetta kemur fram í hljóðupptöku af samtali utanríkisráðherra Eistlands og utanríkismálastjóra ESB
Ekki færri en sjötíu létu lífið í ofbeldisverkum á Maidan-torgi fyrir um hálfum mánuði, margir féllu fyrir hendi leyniskyttna. Á Vesturlöndum var Janukovitsj og bandamönnum hans kennt um ódæðin og hann var hrakinn frá völdum sólarhringum síðar.
Í hljóðupptöku af símtali Urmas Paet, utanríkisráðherra Eistlands og Catherine Ashton, utanríkismálastjóra ESB, frá 26. febrúar og lekið var á Youtube í dag, kemur fram dálítið önnur útgáfa af þessum hildarleik.“

öll RÚV fréttin hér

Frétt The Guardian um málið

Upprunalega Youtube myndbandið sem var lekið (Youtube-leaks) það þarf að skrá sig inn til áhorfs.

Fullveldi Úkraínu fótum troðið