Mjög spennandi mynd

Þessa er ég búinn að sjá - fær toppeinkunn.  Þarna er líka kannski að finna bestu ádeilu á íslenskt samfélag í dag sem ég hef séð lengi - bara með ljósi einfalds samanburðar.  Þorsteinn og Vera: til lukku með gott portrett af þeim þremenningum.

Ókeypis í bíó á netinu

Blaðamenn í útrýmingahættu?

Kannski er viss áhætta að tauta þetta um blaðamenn á bloggi sem rekið er af dagblaði.  En það dagaði uppyfir mér að á Íslandi er ekki mikil áhætta að vera blaðamaður.  Annað tveggja ertu undir handleiðslu og verndar 365 eða kolkrabbans.  Og þar sem þessi tvær klíkur (e. syndicates) berjast bara með vopnum sem firra menn ærunni en ekki lífinu má segja að það sé ekki lífsnauðsyn fyrir blaðamenn að segja sannleikann.  En það hefur seint og snemma verið helsta vandamál blaðamanna (þ.e. sumra) að þurfa sífellt að grafa upp sannleikann.  Dettur t.d. í hug þá félaga Woodward og Bernstein sem komu Nixon á hné á sínum tíma. 

70 blaðamenn létust við störf sín

This Connection is Untrusted

Athyglisvert en jafnframt sorglegt hvernig hafa fréttir af fjárhættuspilum verið að aukast undanfarið.  Fótboltabræðurnir (KSÍ?) með spilavítin og vöðvabúntin í pókernum.  Einhverstaðar eimir enn eftir af þessari óskhyggju að fá mikið fyrir lítið sem var grundvallarhugsun þess tímabils sem var kennt við 2007.  En öll heilbrigð skynsemi mælir á móti þessu. Meira að segja browserinn minn (Firefox) segir allt samband við Betson vera ótraustvekjandi. 

Póker auglýstur á barnasýningu

Afhelgun ímyndar?

Bráðum sýnist mér fullnuð þessi nýja ímynd fótboltamannsins sem hófst með ferðalagi fjármálastjóra KSÍ hérna um árið.  Gunnlaugssynir - björtustu vonirnar - vilja innleiða spilavíti á Íslandi.  Og Arnar beitir öllum 2007 rökunum sem hann kann til að blása ryki í augun á okkur: orðið spilavíti sé ekki nægjanlega blekkjandi, og það snúist ekki um að hann vilji græða heldur sé það fyrst og fremst þjóðfélagið.

Í þá daga þegar landsfeðurnir hugsuðu ennþá um hag þjóðarinnar og höfðu einhverja þokkalega skýra sýn á hvað væri hollt og gott og hvað síðan ekki, hugsuðu þeir kannski sem svo að þar sem vændi væri lítilsvirðandi þessum blessuðum konum sem iðka það, væri þjóðfélagið betra komið án vændis.  Eins gæti þeim hafa fundist eiturlyf drepa niður framtak og í breyta fólki í versta falli í villidýr: svoleiðis viljum við ekki hafa.  Spilavítin voru líka álitin skilgetin afsprengi ósómans enda birtust við þessa peningaleiki oft alverstu hliðar mannfólksins.

En núna virðast tímarnir breyttir.  Landsfeðurnir liggja á 6 fetum og landið er enn leitt af post-2007 kynslóð sem hefur ekki ennþá náð að hugsa uppúr veskinu og gróðrarveginum.  Og hérna koma áróðursmennirnir Gunnlaugssynir og ætla sér stóra hluti í því að telja okkur trú um að svart sé hvítt.

Þetta er svosem dæmigert fyrir þessar ljósfælnu athafnir allar sem feðrunum þótti réttilega nauðsyn að banna, þegar einhverjir vilja lögleiða þær er því sljóa rökvopni beitt að ef athafnir séu ljósfælnar nægi að gera þær opinberar til að eðli þeirra breytist.  Af því að bræðurnir nefndu Danmörk þá má þess geta að útgjöld Dana stórjukust líka vegna spilavítanna, þeir settu stórt prógramm á laggirnar 2006 til að halda unglingum frá spilafíkn og hafa haldið úti stóru batteríi til að stemma stigum við óæskilegum áhrifum þessarar fíknar og hliðstæðra vandamála sem koma upp.

http://www.snsus.org/program_2009.html
http://www.gamblersanonymous.org/
http://www.gamblingaddiction.org

Strákar mínir: ef þið viljið sinna ábyrgri spilamennsku - spiliði LUDO (og ekki uppá peninga).

„Kasínó er raunhæfur kostur“

Verkmennt og iðnaðarmenn

Já gaman og gott af því að vita að verkmenntagreinar séu að vinna á eftir að hafa lengi (LENGI) þurft að bera skertan hlut frá borði menntamála.  PISA kannanirnar sem í einhver tíma hafa stýrt áherslum í menntamálum taka sem kunnugt er ekkert tillit til þessa mikilvæga samspils huga og handar og þeir eru víða skammsýnir skóla- og menntastjórnendur sem hafa tekið efnisvali PISA sem heilögu orði og aðlagað námsskrár eftir þessum áherslum.  Við horfðum öfundaraugna til Finnlands en framhjá því hvernig finnar eru líka frægir fyrir hönnun og listmunagerð.  Líka gott af því að vita að forseti okkar sé verndari hátíðarinnar.  Hann hefur sýnt það í orði og verki (alla vega síðustu mánuði ) að þar fer breyttur maður.  Það er gleðiefni.  Eins gleðst ég mjög yfir vali Björgvins sem iðnaðarmanns ársins, hann er vel að því kominn.

Stóðu sig vel á sveinsprófi