Úkraína í logum

Var að horfa á gríðarlega áhugaverða heimildarmynd sem fjallar um átökin í Úkraínu og er að því leiti áhugaverðari en margar aðrar að hún virðist vera samstarfsverkefni milli USA, Rússlands og Úkraínu.  Framleiðaindinn er gamla brýnið Oliver Stone sem hefur lengi verið að snerta á verkefnum sem enginn annar þorir að taka á.  Guantanamo, Snowden, Wall Street, World Trade Center og Nixon svo eitthvað sé nefnt.

Myndin er mikill áfellisdómur um þátt vestrænna fjölmiðla sem eiga að hafa æst upp átökin með einhliða umfjöllun sinni um átökin.  Skylduáhorf allra sem hafa áhuga á átökum öxulveldanna og friði í heiminum.  Fyrir áhugasama er hérna líka slóðin inn á myndina hjá Vimeo.

 

Kjörsókn 33,5 prósent

Þýðir ekki kjör­sókn upp á 33,55%: who cares?  Ef einungis þriðjungur félagsmanna nennir að spá í þessu, er þá ekki komið ´jæja´ á Samfó?

Heiða fær annað sæti og Skúli það þriðja

Hverjum um að kenna

Nú getum við glaðst því sökudólgurinn er fundinn. Ástæða þess að nemdum hrakar í PISA könnunum.  Ástæða þess að börn haga sér dólgslega svo lögreglan þurfi afskipti.  Líklega líka ástæðu kulnunar og stéttarflótta kennara.  Hverju veldur að Íslenskir skólar fái algera falleinkunn og eru undir meðaltali jafnaldra sinna á Norðurlöndum og í OECD ríkjunum.

Í tölfræði OECD virðist vera hægt að lesa að ástæðan sé ekki léleg fjármögnun skólakerfisins.

Heldur... það er náttúrulega þessi leysandi og frelsandi niðurstaða rannsóknarhópsins hennar Svandísar heilbrigðisráðherra sem leiddi sannleikan í ljós.  Það var bara klukkan eftir allt.

Nú fellur þetta allt í ljúfa löð.  Og við toppum Finnland í PISA í næstu könnun.

http://www.ruv.is/frett/leggja-til-ad-klukkunni-verdi-breytthttp://www.ruv.is/frett/leggja-til-ad-klukkunni-verdi-breytt

Menntamál fá falleinkunn

Clinton sagði

Alveg var ég viss um þegar ég klíkkaði á greinina “Clinton: hefði átt að reka hann” að um væri að ræða Bill Clinton og ungu aðstoðarstúlkuna Lewinski sem hann átti í sambandi við um árið og laug um.

Þótt það sé raunar heldur þunnt að reyna enn að tutla út einhverjum dropum úr þeirri sögu, má alveg eins segja að það sé ekki mikið kjöt á beinunum að fá Hillary til að úttala sig um 10 ára gamlan atburð.  Og ekki sjáanlegt að það þjóni öðru en því að krefjast þátttöku hennar.  Hitt er þó víst að ekki var það hann sem kom í veg fyrir að hún fengi kosningu.

Clinton: Hefði átt að reka hann

Barnanauðgarinn Kinsey

Sem stendur er verið að vinna námsefni í nafni kynfræðslu, réttinda barna eða kynhneygðar í skólum. Þetta námsefni snýr að forvörnum og snemmkynfræðslu barnsins og gerir það að skyldunámsefni í skólum! En í raun réttri grafa hér stjórnvöld undan kynuppeldinu.
Þetta hófst ekki í gær heldur á sér langan og alþjóðlegan aðdraganda.
Upphafið að öllu þessu var útfært og innleitt í smáatriðum árið 1938 í Bandaríkjunum af kynjafræðingnum Alfred C. Kinsey.
Alfred Kinsey er gjarnan nefndur "mikilvægasti“ kynjafræðingur 20. aldarinnar. En það er alrangt!
Vissulega var hann „áhrifamesti“ þátturinn í skoðunamótun sam- félagsins hvað kynhegðun varðar – en það er allt annað. Raunar eiga nánast allar núverandi kynfræðslustefnur í heiminum rætur sínar að rekja til verka Kinseys!
Þessar stefnur miðla því sjónarhorni kynferðis að „allir hlutir séu mögulegir“. Hin svonefnda nútímahugsun um kynlíf og kynhegðun er mótuð af Kinsey. En í framkvæmd hefur það sýnt sig að hér er um að ræða stórhættulegan hugsunarhátt sem hefur leitt til ótölulegra glæpsamlegra athafna.
Með bókum sínum setti Dr. Sex, (en svo var hann nefndur) mark sitt á kynferðislegan hugsunarhátt nánast alls heimsins! Sumsé maður sem með orðum sínum hefur vald yfir fjölda þjóða. Maður sem með fræðum sínum er nú fyrst virkilega farinn að bera ávöxt.
En hver nákvæmlega var þessi Kinsey?
Úr því sem komið er gæti engin spurning verið mikilvægari en þessi.
Á starfsferli sínum safnaði Kinsey 18.500 kynlífsdæmum með sérstöku dálæti á börnum undir lögaldri með það að leiðarljósi að opinbera þau. Æðsta markmið Kinseys var hinn kynferðislegi margbreytileiki. Sjálfan sig nefndi hann „afturhaldsaman vísindarmann“ en árið 1997 dró þýska tímaritið Der Spiegel (sjá HÉR) hið ótrúlega tvöfalda líferni Kinseys fram í dagsljósið.

Koma grunnrannsóknir um kynhegðun fólks til álita í huga fólks sem veit fyrirfram að frumkvöðull þeirra var glæpsamlegur barnaníðingur og tölfræðifalsari?

Vissir þú að grundvöllur þeirrar snemmkynfræðslu sem nú er í tísku, hvílir sannanlega á „vísindlegum grunni“ af þessu tagi?
Það sem Alfred C. Kinsey taldi vera „venjulegt kynlíf barna“ var ekkert annað en kynferðislegar pyndingar á börnum. Kinsey hafði ástríðufullan áhuga á „fullnægingargetunni” og sér í lagi hjá börnum, þ.e.a.s. hjá drengjum ókomnum á kynþroskaaldur og sem fá ekki sáðlát!
Á grundvelli rannsókna Judith Reisman (sjá HÉR) var gerð heimildarmyndin „The Children of Table 34“ (Börnin á lista 34 - sjá HÉR). Myndin, sem opinberaði hryllilega hluti, var gerð frekari þolendunum til verndar.

Í nánu samstarfi við hr. Green kom til þessa djöfullega lista 34. Hópur frá BBC kom upp um að hr. Green væri Rex King, fjöldanauðgari sem misnotaði meir en 800 drengi og stúlkur kynferðislega. Á þessum lista flokkaði Kinsey upplýsingar um fullnægingargetu hvorki meira né minna en 317 karlkyns ungbarna og drengja.

Tilraun með kynfræðslu frá 1. upp í 10. bekk

Myrkar núaldir

Nú fer orðið lítið á síðustu dögum fyrir réttarríkinu í lýðræðinu. Hér í eina tíð var fólk saklaust uns sekt þeirra var sönnuð, þótti mikil betrumbót frá fyrri öldum. Þá voru aðrar aðferðir uppi við að leita að sakleysi sakafólks. Þar var hagur kvenna býsna harður, sérílagi þeirra sem ákærðar voru fyrir galdra. Þá var þeim hent í Öxará, ef þær flutu hlutu þær að vera í sambandi við djöfulinn og því brenndar. Ef þær sukku (og drukknuðu) voru þær líklega saklausar og fengu þá leg í vígðri jörð. Jafn dauðar í báðum tilvikum.

Þessar galdrabrennur nútímans bera ögn svip af þessari fornöld okkar. Ég hef fylgst meö þessu máli þeirra nafna minna. Ragnar Þór Pétursson virðist hafa barist ötullega fyrir því að hans mál sé rannsakað, sem það hefur oft verið gert. Ég ætla mér ekki þá dul að vita hvað gerðist fyrir 20 árum. Það er annarra að skera úr um það. Enda trúi ég bæði á lýðræðið og réttarríkið. Enn. Finnst mér þeim mun ómerkilegra að heyra pólitíska andstæðinga hans ætla að nota sér þann höggstað sem fjölmiðlar eru núna að smjatta á.

Og talandi um fjölmiðla þá er raunar mjög áhugavert að heyra reynslusögu Péturssonar af framgangi fjölmiðla og sérstaklega Vísi. Þar eru gammarnir búnir að spotta safaríka sögu þar sem hægt er að gera sér mat úr. Og taka fólk og brenna það. Hafnir upp yfir nauðsyn réttmætrar heimildavinnu, gefa þeir fólki stökkpall fyrir órökstuddar ásakanir á hendur náunga sínum.  Ef þær reynast sannar þá er viðkomandi ærulaus, ef þær reynast ósannar birta engin blöð leiðréttingu og viðkomandi fær ekki rönd við reist.  Jafn ærulaus í báðum tilvikum.

Ég er þó feginn því að meðal frambjóðenda til varaformanns Kennarasambandsins séu einhverjir sem styðja eðlilegan framgang dómskerfisins. Það vekur vonir.

Formaður KÍ geti ekki notið vafans

Í stæði eða sæti ...

Vil gauka nokkrum ágætum hugmyndum að eigendum Isavia svo þeir sjái nú fram á enn bjartari daga en orðið er. Leitt að vita til þess að þeir séu svo aðþrengdir að þeir sjá sig tilknúna til að hækka gjöldin fyrir aðkomu - og brottfararfarþegana.
En mér datt í hug hvort ekki væri snjallræði að krefjast stöðugjalds enda stendur fólk þarna í biðröðum endalaust, sjálfum sér og öðrum til ama. Að ógleymdu sliti á gólfefnum. Síðan mætti rukka þá um hærra gjald sem eru svo bíræfnir að krefjast sætis. Jafnvel tvískiptingu sætisgjaldsins, ögn lægra fyrir þá sem sitja á gólfinu, þó ekki mikið.
En í alvöru… nú hef ég farið á marga flugvelli í mörgum löndum, jafnvel farið með rútu eða opinberum samgöngum á allnokkra. Aldrei, aldrei hef ég þurft að borga eins rosamikið bara fyrir það að komast á völlinn og á Íslandi.  Sem mun efalaust hækka við aukinn kostnað rútufyrirtækjanna.  Og bílastæðin á KEF eru það dýr að kannski sveitafélög á Reykjanesi gætu boðið uppá vöktuð bílastæði og strætóferðir á völlinn. Væri fróðlegt að skoða hvaða bílastæði séu dýrust miðað við aðstöðu.  

Rukka fyrir stæði hópbíla við Leifsstöð

sökkvandi skip

Eftir að kjósendur refsuðu BF fyrir stjórnarslitin flýja allir sökkvandi skipið. Og skipstjórinn fyrstur? Eða eru þetta rotturnar?

Hvort heldur er, farið hefur fé betra.

Óttarr hættir sem formaður

Ósnertanleiki blaðamannastéttarinnar - Quis custodiet ipsos custodes?

Latneski frasinn „Hver gætir þeirra sem eiga að gæta?“ á sjaldan betur við en þessa dagana.  Enda þótt ég sé frekar á bandi wistleblowers og Wikileaks-stefnunnar, hef ég séð mörg fórnarlömb offors og sjálfsréttlætis blaðamannastéttarinnar.  Að þeir séu nefndir fjórða valdið er ekki tilkomið að ástæðulausu.  Vandinn er að siðanefndi stéttarinnar er valdalaus og jafnvel býsna áhugalaus enda ekki mikið í húfi fyrir þá enda þurfa þeir engum að gera reikningsskil, ólíkt hinum ´völdunum´.  Nema náttúrulega að þeim sem finnst réttindi sín hafa verið hlunnfarin í samskiptum við 4. valdið, kjósi að fara dómsleiðina.

En athyglisvert að í báðum þessum málum sem komu upp nýverið, undruðu sig blaðamennirnir á því að dómnum skuli ekki líka við starfsaðferðir þeirra. 

„Nafngreindum aldrei þessa menn“

Barnabætur í Þýskalandi

Þar sem ég þekki til í Hamburg, Þýskalandi fletti ég snöggvast upp hjá þeim hvernig þeir haga málum. Einhver munur getur verið milli Bundeslandanna. 

Við fæðingu barns er hægt að sækja um foreldrafé sem er að jafnaði 67% (65-100%) af fullum nettólaunum. Það er að lámarki €300 (íkr 38.337) og hámarki €1800 (230.022) og fæst fyrstu 14 mánuðina eftir fæðingu. Allskonar aukagreiðslur auka foreldrum möguleikann að vinna hlutastarf.

Að auki eru barnapeningar mánaðarlega greiddir, €192 (íkr. 23.536) fyrir hvert barn, einhver hækkun er fyrir hvert barn eftir 3. barni.

Þannig fær barnafólk að minnsta kosti kr. 61.837 fyrsta árið til að auðvelda þeim barnsburðinn.

Þetta er vel að merkja greiðslur frá hinu opinbera, ekki það sem hver og einn þiggur frá sínum vinnuveitanda vegna lögbundins fæðingarorlofs.