Seðlabanki Bandaríkjanna

Þarna kemur Prabhu að mjög áhugaverðu máli, hver á seðlabanka Bandaríkjanna?  Og hver stendur á bak við hann?

Although an instrument of the U.S. Government, the Federal Reserve System considers itself "an independent central bank because its monetary policy decisions do not have to be approved by the President or anyone else in the executive or legislative branches of government, it does not receive funding appropriated by the Congress, and the terms of the members of the Board of Governors span multiple presidential and congressional terms."

Heilt yfir virðist bankinn vera í einkaeigu bankastjórar kosnir af hluthöfum.  Það býður uppá marga fleti og hafa ótal greinar og bækur verið skrifaðar af gagnrýnendum þessa skipulags.

Líklega er því frekar ólíklegt að fjármálastjóri VISA láti hafa eftir sér eitthvað jákvætt um bitcoin. Nú eða eitthvað sem dregur úr notkun þess fjármagns sem rennur í gegnum fyrirtækið hans.

Nokkrar slóðir sem fást við að leita eftir ´federal reserve criticism´.

https://rationalwiki.org/wiki/Federal_Reserve

https://www.nytimes.com/2015/12/08/business/dealbook/economists-criticism-of-federal-reserve-policies-gains-ground.html

https://en.wikipedia.org/wiki/Criticism_of_the_Federal_Reserve#Private_ownership_or_control

Stjórnandi hjá Visa vegur að bitcoin

Ónýti húsnæðismála

Við hjónin bjuggum tímabundið í Þýskalandi uns við fluttum til Íslands 2005.  Skömmu áður en við tókum ákvörðun um flutninginn, vorum við komin á fremsta hlunn með að kaupa okkur hús í sunnanverðri Hamburg, vorum komin með lánsloforð og allt það.  Nema að við sáum fram á að lækka hjá okkur leiguna og ná samt að ljúka afborgunum af €100þ eign á 10 árum.  Ég hafði fasta (láglauna)vinnu en greiddi samt ekki nema 1/5 af tekjum mínum í leigu.

En í staðinn fluttum við til Íslands, keyptum á nánast sama verði og í Hamburg.  Nema hér höfum við borgað skilvíslega í tæp 13 ár, eigum ekkert í húsinu okkar og það sem við áttum hafa lánastofnanir hirt.  Hér fer 1/3 í afborganir af húsinu.  Hún er dýr heimþráin.

Svona til gamans (?) og samanburðar eru hérna 3 þýskar lánastofnanir sem bjóða uppá fasteignalán

Deutsche Bank með 1,04% vexti

Hamburgar Sparkasse - Haspa - með 1,04% - 1,83% vöxtum eftir lánstíma

Immonet með 1,39%

Og til enn meira gamans og samanburðar borga ég núna af skuldabréfum hjá ÍLS uppá 5,1% og þegar stjórnvöld grípa inní þessa sjálftöku, bjóða þau mér af gjafmildi sinni að nota séreignasparnaðinn minn til að moka í hýtina.  Og eru þeir hjá Íbúðalánasjóði að átta sig á þessu?  Ojæja.

Íslensk heimili skulda mun meira

Eintómir framsóknarmenn

Í kjölfar könnunar var því haldið fram nýverið að það væru einkum framsóknarmenn sem væru búnir að fá sig fullsadda af ferðamönnum á Íslandi.

Annað tveggja eru því framsóknarmenn (eða lagsmenn þeirra í pólitík) svona víða, nú eða að vandinn er víðtækari.  Hér eru bankar seint og síðarmeir farnir að draga hælana með lánaveitingar til hótelbygginga og eins sjá bílaleigur fram á að skuldadagar nálgast hraðar en óskandi væri. "Offjárfestingar" var held ég orðið og það mitt í bullandi uppganginum.

Varúð - innköllun á kaupsýslumanni

Stjórnskipunar- og eftirlitsnefnd Alþingis vekur athygli á innköllun á fyrrverandi forstjóra Samskipa, fjárglæfra … eh kaupsýslumanninum Ólafi Ólafssyni vegna afbrotahættu. Forstjórinn fyrrverandi hefur leikið lausum hala frá liðinni öld. Lagt er til að hann verið innkallaður. Greint er frá þessu á vef Alþingis.

Í tilkynningu frá nefndinni kemur fram að ástæða innköllunarinnar er sú að fjármunir bankanna og þar með íbúa landsins geta horfið í vasa hans og þar með valdið skaða á eiginfjárstöðu landsmanna.

Neytendur ættu þegar í stað að fjarlægja öll tengsl við þennan innkallaða einstakling og hafa samband við nefndina til að athuga möguleika á varanlegri innköllun hins gallaða manns.

Ólafur Ólafsson óskar eftir fundi

Líst VEL á tillögu Frosta

Ég hef haft áhuga á hugmyndum Frosta um árabil og hef böðlað mér í gegnum það sem hann hefur verið að segja m.a. á síðunni http://betrapeningakerfi.is/  Möguleikarnir sem þessar pælingar um afnám brotaforðakerfisins bjóða samfélaginu eru mjög spennandi.  Ég íhugaði m.a.s. að kjósa Framsókn útá Frosta og hans pælingar núna síðast því þar komu þeir með nýja sýn á knýjandi vandamál.  Enda hefur það sýnt sig að nú þegar hýtin hefur gleypt í sig endurgreiðsluna er forsendubresturinn enn við lýði.

Það er kannski ekki von að varðhundar sitjandi fjármálaafla reki upp bofs hér og hvar því þetta þýðir býsna mikla breytingu á högum og hefðum bankanna. Var eiginlega búinn að afskrifa þessar breytingar, sorgmæddur yfir meintu ofurvaldi bankalobbýsins.

Hvet alla til að lesa í gegnum skýrsluna.  Lagði sjálfur ekki í enskuna en HÉR er að finna íslenska samantekt.
Fyrir grúskara er síðan krækja á síðu POSITIVE MONEY, „hreyfingu sem vill lýðræðisvæða peninga og bankakerfi svo það vinni fyrir samfélagið en ekki gegn því“ (tekið af síðu hreyfingarinnar 14.4.´15).
Hér greinin þar sem fjallar um Frosta.

... og að lokum eitt myndband af síðu ´Betra Peningakerfi´ svo auðveldara sé að skilja mikilvægi breytinganna.

Líst ekki á tillögu Frosta

DUMP DIMON

Bankastjórinn hjá JPMorgan Chase Bank (einn fjögurra stærstu banka USA), undir stjórn Jamie Dimon tapaði á síðasta ári 9 billjónum dollara.  Bankinn er ríkistryggður eins og bankarnir á Íslandi.  Á sama tíma á hann sæti í Seðlabanka New York fylkis.  Hlutverk Seðlabankanna (the Feds) er að sjá fyrir öryggi, heilbrigði og lífvænleika hag- og fjármálakerfisins (e.foster the safety, soundness and vitality of our economic and financial systems) og vinnur innan Seðlabanka Bandaríkjanna (Federal Reserve System eða The Fed) sem er í einkaeigu.

Nema Bandaríkjamönnum þykir þessi hagsmunaárekstur hjá stjórnanda eins stærsta banka í heim vera ámælisverður: afhverju eigi eftirlitsaðilinn Dimon að hafa eftirlit með bankastjóranum sjálfum sér?

Aðgerðahópur sem nefnir sig Hin 98%-in heldur úti síðu þar sem þau safna undirskriftum til að þrýsta á Dimon til að segja af sér hjá Seðlabankanum.  Hér er síðan: Dump Jamie Dimon

 

Samanburður á verði byggingavörverslana

Ætla að snara upp milllivegg og þarf til þess grindarefni og plötur svo ég settist við símann og heyrði prísa hjá þremur byggingarvöruverslunum og birti hérmeð verð hjá tveim þeirra.  Verðin hjá þeirri þriðju, Húsasmiðjunni, voru svo miklu hærri að ég hætti fyrirspurninni á miðri leið.
                             BYKO         Bauhaus
Þilull 70 mm            4442        4595
Grindarefni 34x70      202          255
Gipspl. 13mm          1844        1960 (ögn hærri plata)
Furukrossv 12mm    3882        4900
grenikrossv  9mm    3724        5995
og síðan ýmislegt smotterí. 

Nema heldarverð hjá BYKO var 63.910 en Bauhaus 82.250.  Þarna er mismunurinn kr. 18.340.  Ég slæ á að það sé í kringum 20%

En Bauhaus auglýsir 12% verðvernd og mér reiknaðist til að hefði ég nennt að keyra til þeirra héðan úr sveitarfélaginu Árborg þar sem ég bý hefði ég getað rukkað þá um mismuninn 18.340+12% af 63.910 eða alls 26.009 kr.

Hvet fólk einfaldlega til að spara sér vesenið við "verðvernd" og önnur slík gylliboð og gera beint verðsamanburð. BYKO var hér klárlega með lægstu verðin en ekki samkeppnisaðilarnir.  Hef annars áður lent í að Bauhaus hafi lofað ermina hjá sér fulla en efndirnar tómar.  Buðu á opnunartilboði rásaðan krossvið sem ég var á góðu verði.  TIl að ég færi nú ekki fýluferð hringdi ég í þá á staðfestingu á þessu verði áður en ég keyrði yfir heiðina.  Þegar ég var kominn í búðina vissi fyrst lengi vel enginn neitt en svo kom á daginn að svo uppfræddi mig glottandi lagergutti að þeir hefðu fengið eitt bretti af krossviðnum og hann löngu búinn.  Sumsé löngu áður en ég hringdi.  Sumsé aðgát skal höfð í viðskiptum við risann þýska. 

Leiðinlegt annars að Dr. Gunni sé hættur með ágæta Okursíðu sína hér. Vissulega þörf á einhverri neytendavænni uppflettisíðu.